Sada Aron Makeken Talenta

PA MORIA TGL 18 – 24 MEI 2014

SADA ARON MAKEKEN TALENTA

ROMA 16 : 1 – 16

Pokok Pikiren :

Adi kita ngerana kerna talenta maka talenta pe arus ibarengi pribadi/karakter simehuli, sebab pribadi/karakter simehuli e erbahanca talenta silit ibas kita e jadi pasu – pasu (berkat) man  enterem jelma, ertina sekalak jelma labo hanya icintai erkiteken talenta silit ibas ia tapi pe erkiteken pribadi ras karakterna simehuli janah berbahaya kel adi talenta tanpa pribadi/Karakter simehuli subuk e man diri sendiri entah pe man kalak sideban.

Rom 16 : 1- 16 nuratken sapaan Paulus man  kerina  kerina teman – temanna sada dahin ibas meritaken berita si meriah si encidahken maka lit keakrapen sierat entah relasi simehuli antara ia ras kerina teman – temanna, alu kata sideban ijenda  Paulus encidahken hubungenna ras kerina teman - temanna la hanya bersahabat ibas dahin pelayanen tapi ia pe memiliki hubungan si erat baik secara peribadi ras spiritual. Hal sienda banji jadi agak berbeda adi sibandingken ibas kegeluhen bergerejanta genduari sebab banci jadi hubungenta hanya terjalin ibas pertemuan – pertemuan gereja entah ibas kegiaten gereja selebihna banci jadi, kita la memiliki iketeten spiritual antara sada ras sidebanna

“Sada Aron Makeken Talenta” mengandung unsur saling pengertian, saling menghargai, alu kesadaran mencapai kemauan dan tujuan bersama, tanpa mengharapkan imbalan jasa, si i wujudken tindaken ras perbuaten nyata siselaras ras talentata/keterampilenta masing – masing. Alu  bage sada aron makeken talenta menentang pengertin kelompok – kelompok i doni enda si hanya membangun hubungenna komunitasna alu tujun saling menguntungken (Mutual relathionship), menumpuk jasa, membangun reputasi diri, rsd.         

Talenta ibas setiap pribadi sekalak jelma berbeda – beda emaka la banci sekalak pe simenyombongken diri kerna talenta si lit ibas sebab talenta hanya  sebagai titipen Tuhan man banta guna i pakeken ku kemulianna, erbuena talenta silit ibas sekalak jelma emaka tuntutenna pe semakin mbue, janah adi sitik talentata maka labo ka perlu kita rendah diri ertina setiap talenta adi ipake alu mehuli i pasu – pasu Tuhan. Dage pakeken talenta alu ras – ras guna kemulian Tuhan gelah alu bage banci melala hal banci silakoken.

Salam.

Selamat ber PA – Moria.

PA MAMRE ROMA 12 : 12

PA Mamre Tgl 18 – 24 Mei 2014.   Rg. GBKP. Rantauprapat.

Ogen : Roma 12 : 12

Thema : “Nggeluh ibas pertoton”

Tujun   : Gelah Mamre Jadi Binangun pertoton i tengah jabu

BERDOA ITU TIDAK BOLEH PART TIME

JUGA TIDAK BOLEH SOME TIME

APALAGI NO TIME

BERDOA HARUS FULL TIME

KALAU BISA OVER TIME

Bagenda me rusur ibelasken uga pentingna kerna ertoto sebab ibas kita ertoto sisadari maka Tuhan me sebage sumber kegeluhen, sinatang, simemelihara kegeluhenta, alu kata sideban ibas kita ertoto sicidahken me kita kalak sitek si tuhu – tuhu mutlak bergantung man Tuhan. Memang ibas kinata kegeluhenta  lit si idah kalak si lanai ia ertoto man Dibata dingen tempa – tempa lanai iakapna ia perlu Tuhan,  sienda banci jadi, erkiteken :

• Kerina keperlunna enggo lit ras iakapna enggo idatna alu usahana sendiri.
• Bicara lit pe perbeben entah persoalen ibas kegeluhenna banci iakapna idungina alu kemampuan ras logika silit ibas ia, alu cara erlajar arah pengalamenna entah erlajar arah pengalamen kalak sideban, alu menganalisa arah aspek logis entah la logis, mungkin entah la mungkin.
• Enggo iakapna bias talenta ras pemeteh (Keterampilen) sibanci erbahanca ia sukses ibas kegeluhenna, emaka ertoto man Dibata hanya sebage uruten terakhir entah pelengkap  ibas agenda kegeluhenna.

Bahan PA Mamreta sekalenda, Roma 12 : 12 enda nuriken kerna praktek kegeluhen kalak Kristen ibas kegeluhenna sitep – tep wari sebage wujud persadanna ras Dibata. Paulus sebage penulis surat ibas Roma 12 : 12 ngataken “Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi”.  Kata enda isehken Paulus erkiteken ia sendiri enggo ngenanami ulih persadaan ras Tuhan, ibas ia ngenanami kiniseran igejapna ka pe ulih gegeh pertotonna man Dibata, sebab Paulus tek maka ia labo nembah man Dibata si hanya lit ibas “Ide” bagi si igambarken ibas agama – agama sideban, tapi ia man Dibata sienggo encidahken diriNa man manusia, sinebusi ras sinampati kerina manusia (Imanuel). Gendekna ibas Roma 12 : 12 enda Paulus ngataken ras menyaksiken “ber–relasi” man Dibata ibas pertoton seh kel pentingna sebagai sumber kekuatan/fondasi utama. 

Roma 12 : 12 oratenta sendah enda ilatar belakangi ija Paulus ras kerina kalak kristen ngenanami erbage – bage kiniseran  ibas ngikutken Yesus ras ibas situasi sie me Paulus ngajuk kerina kalak kristen gelah tetap nggeluh ibas keriahen ukur, erpengarapen ras ertoto. Mungkin secara logika nasehatna enda secara manusia la teraloken, la masuk akal, sebab ibas ngenanami kiniseran Paulus tetap ngajuk gelah tetap ermeriah ukur, erpengarapen ras ertoto sebagai la erngadi - ngadi, banci jadi ibas paksa sie kalak Roma simbaca tulisen Paulus enda lucu iakapna entah pe ikatakenna Paulus kalak adon silanai logis cara berpikirna, me seharusna min ndai nina Paulus ; ibas kerina kiniseran sialamindu genduari enda, aku pe turut prihatin ras erceda ate, bagi caranta si enggo biasa sibelasken ibas mpegegehi temannta ibas kiniseranna ? Tapi la e si ibelasken Paulus, ia ngataken hal sikontradiktif ras keadaan, Paulus hadir sebagai motivator guna mereken pergegeh ras penghiburan man ibas kerina kiniseran si i hadapi kalak kristen sebab ia sendiri enggo nggejabken uga kuasa Tuhan nampati ia ibas kerina kiniseranna, mulahi ia ibas penjara nari (Perb 16 : 26).

Itengah – tengah kegeluhenta sigenduari enda pe banci jadi melala kel tantangen kegeluhen siman hadapenta subuk e ibas bidang ekonomi, sosial, politik ras litna persoalen pribadi itengah jabu, sierbahanca semangat kegeluhenta kendor, bene pengarapen ras lanai siakap meriah geluh, tapi ingetlah sendah kai si ikataken Paulus Roma 12 : 12 enda ertoto man Dibata e jadi sumber utama pertolongenta, ermeriah ukur amin susah, erpengarapen ras ertoto alu la erngadi – ngadi. Ibas sienda Martin Luther pernah ngataken maka pertoton  eme  “Nafas Hidup Orang Kristen” emaka nina ; kai pe si irencaken ibas kegeluhenta babalah lebe ibas pertoton sebab eme gegehta guna ndalani kegeluhen i doni enda.

Temanta sendah “Nggeluhlah Ibas Pertoton”,  alu pemahamenku maka tema enda ningetken man banta uga kita banci mengutamaken pentingna pertoton ibas geluhta. Ibas wari – warinta adi litlah waktuta guna erdahin, nonton TV, mbaca Koran, rekreasi, rsd, maka lit ka lah min siban waktuta “ber–relasi” ras Dibata si khusus siniaturken ibas geluhta, alu kata sideban si kurangilah cara ertoto man Dibata ibas waktu  ”terdesak ras tiba – tiba”, sebab pertoton labo hanya guna ndatken ulih ibas pertotonta, tapi lebih asa sie maka pertoton erbahanca lebih sitandai Tuhan si memelihara kegeluhenta ras menyadari ketergantungenta man Dibata (ibas sienda aku rusur ningetken “Kita nge si perlu Tuhan labo Tuhan si perlu kita).

Tentu, ibas kita memahami uga pentingna pertoton ibas kegeluhenta selaku kalak kristen, maka Mamre pe iarapken mampu ndalankenca ibas geluhna bagi teladan Paulus, bagi tujun PA Mamreta sendah enda “Nggeluh ibas pertoton gelah Mamre Jadi Binagun Pertoton ibas Jabu” ibas erti kata Mamre-lah jadi pemimpin ibas kerina simehuli itengah jabunna, memilki kerohanian si mehuli, nggeluh ibas pertoton, me bage nge ninta ..... kita Mamre ?

Amin.

Salam

Selamat er PA - Mamre

Salam ras sentabi man banta kerina ibas kurang lebihna tulisen enda. Tulisan enda labo jadi bahan baku Mamreta-nta, tulisen enda hanya bersifat diskusi man banta ibas Blog enda. Bimbingen Mamre sibaku tetap si ipedarat Moderamen GBKP si isikapken Mamre Pusat.
Bjr Tuhan simasu – masu.

PJJ GBKP 18 - 24 Mei 2014

PJJ Tgl 18 – 24 Mei 2014 GBKP Rantauprapat.
Ogen : Ulangen 18 : 9 – 13
Tema : “ Metengetlah nandangi sekelewetndu “

Kitab Ulangen :
      Kitab enda eme kitab si pelimaken ibas kitab Taurat Musa. Secara umum kitab enda isina eme khotbah – khotbah Musa paksa bangsa Israel ngadi i dataren Moab ibas masa akhir perdalanenna i padang gurun ope bengket ku taneh Kanaan. Thema sentral kitab enda eme Ul 10 : 12 – 13 “Genduari o bangsa Israel, begikenlah kai si ituntut Tuhan Dibatandu man bandu : Sembahlah Tuhan ; dahiken kerina si iperentahkenNa. Kelengilah Ia ; dahilah dahinNa alu bulat ukurndu, dingen ikutken kerina undang – undangNa. Kubereken undang – undangNa man bandu sendah tama kesangapen man bandu”. Ibas thema sentral enda me Musa ngingetken ras meyakinken makna persadan kegeluhen bangsa e sebage bangsa pilihen Dibata, si arus mutlak encidahken kesetian ras ketaatenna man Dibata ibas kerina bidang kegeluhen si la banci main – mainken.

Ulangen 18 : 9 – 13
       Oraten PJJ-nta sekali enda eme salah sada pidato Musa i dataren negeri Moab ope denga bangsa Isarel bengket ku taneh kanaan, ibas oratenta enda Musa mereken pedahna/larangen gelah bangsa Israel la nggeluh bagi si ilakoken kakak Kanaan kenca bangsa e ngiani taneh Kanaan (ay. 9), sebab bangsa Kanaan memang sada bangsa si tek ras enggo biasa nggeluh ibas mistik ras penyembahen berhala dingen semal ngelakoken tindaken – tindaken amoral. Ekiteken sie me maka Musa alu keras menekanken larangen man kalak Israel, lit 7 larangen si isehkenna ibas bahan PJJ-nta enda eme :

1. Gelah bangsa e la ngelakoken perbahanen si mbau (Berlaku kekejian)
2. Gelah ola mpersembahken anak – anak ibas api ibabo batar - batar persembahenna (Memberikan korban persembahan)
3. La banci ertendung (Petenung)
4. La banci ngoge tanda – tanda (Meramal)
5. La banci ermang – mang (Penelaah)
6. La banci make guna – guna (Penyihir)
7. La banci nungkun man begu kalak si enggo mate (Tidak boleh meminta petunjuk kepada roh orang mati atau peramal).

       Musa memang ikenal sebage pemimpin si tajam, ertanggung jawab ras peka nandangi bangsa Israel si ipinpinna. Musa pe sangat sehati ras Tuhan, emaka ia pe nembeh kel atena kalak Israel simenduaken Tuhan, rawana man kalak Israel bali ras rawa Tuhan, cemburuna bali ras cemburu Tuhan, nembeh atena bali ras nembeh ate Tuhan, nandangi kerina sila mehuli ras erkiteken sie me maka Musa rusur kel ningeti kalak israel gelah la ngelakoken dosa. Labo tanpa alasen Musa mereken larangen e sebab ietehna kel sifat kalak Israel simekatep melanggar perentah Tuhan menaken kalak e enda ndarat i Mesir nari. Dasar tujun pelarangen epe jelas eme gelah kegeluhen kalak Israel sitik pe la ercacat tapi tetap badia (Bdk Tujun pemberian 10 Hukum Taurat man kalak Isarel i deleng Sinai, simejadi dasar/prinsip/pedoman kegeluhen kalak Israel si arus ipatuhina (Kel 20 : 1 – 17).

Kegeluhenta sigenduari :
       Kinata kegeluhen kalak kristen Karo ibas masa sigenduari aminna gia enggo jadi kalak Kristen la banci sipungkiri maka lit denga nge singelakoken bagi si isingetken ibas Kel 18 : 9 – 13 enda subuk e alu isengajaken entah la sengaja. Gereja memang melarang keras tindaken sibage rupana, tapi entah engkai maka sibage rupana lit denga ilakoken ibas kekristenenta sigenduari, tempa – tempa gereja (Ajaren Kristen) la mampu menjawab pergumulen kegeluhen kalak kristen ? dingen genduari enda pe kita iperhadapken kubas kondisi ija reh belinna tantangen siman hadapen tempa – tempa kita lanai banci mewarnai kegeluhen alu pengajarennta, seh maka kita harus erdemonstrasi menutup cafe esek – esek, tempat perjudian, demo anti korupsi, mereken himbauan awas HIV – AIDS, rsd. (Pandangen enda hanya pikirenku nandangi kegagagalan gereja menjalankan fungsinya : Sebagai pendidik moral, mendidik umat yang bertanggung jawab terhadap dirinya sesuai dengan firman Tuhan, mendidik jemaatnya takut akan Tuhan, mendidik jemaatnya mencintai kebenaran dan membenci kejahatan).

       Bahan PJJ–nta sekali enda seh pentingna man banta singingetken kita enda kap genduari anak – anak Dibata sienggo i tebus ibas dosa nari, siterpilih, si ipebadiaken Kristus alu darehNa simambur i Golgota, emaka alu sie maka patut ka kel kita nggeluh ibas kerina undang – undang Tuhan alu kesadaren sebagai manusia ciptan baru. Themanta ningetken “Metengetlah nandangi sekelewetndu“ sifatna pemberitahuan entah mpersingeti kita gelah metenget nandangi pengaruh iblis/doni, alu la ngelakoken kebebasen alu sesuka hati, memang enterem kalak si enggo talu ekiteken la ngasup ia nimbak peraten dagingna ras pengajuk iblis seh maka belinen dosa singerajai kegeluhenna asangken peraten Dibata, tapi sendah enda puji Tuhan, kita ipersingeti maka nembeh kel ate Tuhan kalak sila nggeluh ibas undang – undangNa, dingen kalak sinimbak pasti ngaloken resiko sirehna ibas Dibata sebab nembeh kel ate Tuhan nandangi kalak singelakoken perbahenen simbau (ay12), erkiteken Dibata erdolat ras mulia emaka manusia arus tunduk man kubas kedaulaten Dibata, erpalasken sie maka manusia iarahken kubas kesalehan/kesucian hidup si memuliaken Dibata alu la erbatas, ertina manusia harus memuliaken Dibata la hanya ibas perasaanna saja entah secara batin saja, tapi pe harus menyaksikenca arah praktek kegeluhenna terutama ibas menyaksikenca arah perbahanen – perbahanen kegeluhen.
“Metengetlah nandangi sekelewetndu“ ........ me ue ninta ?

Amin.

Selamat PJJ.
Salam ras sentabi man banta kerina ibas kurang lebihna tulisen enda. Tulisan enda labo jadi bahan baku PJJ-nta, tulisen enda hanya bersifat diskusi man banta ibas kita Group enda. Bimbingen PJJ sibaku tetap si ipedarat Moderamen GBKP si isikapken PPWG GBKP.
Bjr Tuhan simasu – masu.