Suplemen PJJ GBKP 19 – 25 Juli 2015. II Timotius 2 : 1 – 7 “Gereja Si Dewasa”

Suplemen PJJ GBKP 19 – 25 Juli 2015.

Ogen : II Timotius 2 : 1 – 7
Tema : “Gereja Si Dewasa”

Pokok Pikiren :

• Gereja ibas kehadirenna la banci terlepas ibas panggilenna sebage gereja eme guna nerusken karya Kristus i doni, emaka ibas sie gereja pe arus bertumbuh ibas kerina hal bagi si ikataken Pdt. Eka Darma Putra ngataken ; “gereja adalah suatu persekutuan yang senantiasa bergerak, senantiasa mencari. Untuk melaksanakan tugas-panggilannya ia harus senantiasa dinamis tidak statis. Ia harus melewati suatu proses menuju kepada kedewasaan panggilannya, mengalami proses jatuh, bangun dan terus belajar dalam memahami dan melaksanakan tugas-panggilannya tersebut”.

• H Kraemer sekalak ahli teologia ngataken ciri kedewasaan sada gereja eme ; ”adanya karya Allah dan panggilan Allah kepada umatNya melalui karya penyelamatan Kristus yang ditanggapi oleh umat-Nya dengan “ya“ dan adanya tanggapan tadi diaktualisasikan dalam bentuk pengaturan yang mengatur diri sendiri, memperluas/mengembangkan diri sendiri, membiayai diri sendiri (self governing, self extension, self supporting )”. Gerejanta GBKP pe banci si kategoriken sebage gereja si enggo dewasa erkiteken menaken tgl 23 Juli 1941, gerejanta enggo lepas ibas NZG nari (Nederlands Zending Genoschap) ras ngaturken dirina sendiri sebage gereja si mandiri ibas teologia, daya ras dana.

• II Timotius 2 : 1 – 7 bahan oraten PJJ-nta sekali enda encidahken ciri ntah pe langkah – langkah guna ndatken kedewasaan, lit pe ciri ntah langkah – langkah kedewasaan si icidahken ibas oratenta enda eme :

1. Megegeh ibas ngalaken kerina tantangen si lit (ay.1) sebab ibas paksa sie memang erbage – bage tantangen si reh nderpa kegeluhen pelayan Tuhan/ gereja (bd. I Tim 1 : 4, 6 : 4 – 5).
2. Paguh ras tetap setia ibas kerina pengajaren ras mampu jadi pengajar nandangi kalak si deban (ay. 2).
3. Ngasup ngaloken kerina tantangen silit ras la ncampuri urusen si la perlu (Ay. 3 – 4).
4. Nggeluh ibas aturen si enggo itetapken, bagi sekalak olahragawan adi atena jadi sekalak pemenang (ay. 5).
5. Nggit berkerja keras bagi sekalak pejuma siatena ndatken ulih ibas hasil kerjana (ay.6)

• Ibas enggo 74 thn gerejanta njayo tentu ibas perdalinenna, gerejanta pe mengalami pasang surut erkiteken tantangen si lit, tapi puji Tuhan, seh asa genduari gerejanta tetap ncidahken keberadanna sebage sada gereja si maju ras terus berkembang ras erpengarapen kita ku lebe enda gerenjanta semakin dewasa ibas kerina hal bidang kegeluhenna.

• Secara pribadi ibas kegeluhenta persinget si isehken Paulus man Timotius enda pe tentu banci jadi sada persinget man banta guna menuju kedewasaan kegeluhenta.

Pekanbaru 20 Juli 2015.

Ilustrasi :

“MENGARUNGI KEHIDUPAN”
Alkisah, ada seorang muda yang sebelum memulai latihannya, ia meminta kepastian terlebih dulu dari sang Guru.
“Bisakah Guru mengajarkan saya tujuan hidup manusia?”
“Tidak,” jawab sang Guru.
“Atau setidaknya maknanya?”
“Tidak bisa.”
“Bisakah Guru menunjukkan pada saya sifat kehidupan manusia ?”
“Tidak.”
Akhirnya pemuda itu melangkah pergi dengan kesal. Semua murid yang ada di situ terkejut karena mengetahui Guru mereka ternyata tidaklah sebijak yang mereka kira.
Lalu dengan suara tenang, sang Guru berkata lagi,
“Bagaimana pendapatmu andai kata seseorang menawarkan buah kepadamu, namun mengunyahkannya dahulu kepadamu?
Bagaimana kau bisa memahami sifat kehidupan dan makna hidup jika kau sendiri belum pernah merasakannya?
Tak seorang pun dapat menemukan pengertian yang paling tepat bagi dirimu sendiri. Guru pun tidak mampu. Sebaiknya kau memakan makananmu sendiri daripada hanya mengira-ngira rasanya.”

“Seorang yang dewasa akan tau tentang tujuan hidupnya dan memaknai hidup dengan benar, sehingga dia tidak akan bertanya lagi tentang apa yang ia harus lakukan dan terlebih oleh kebijaksanaan yang datangnya dari Roh Kudus”.

Suplemen PJJ GBKP 05 – 11 Juli 2015. Ulangen 28 : 1 – 6 “Dibata Si Masu – Masu Pendahin”

Suplemen PJJ GBKP 05 – 11 Juli 2015.

Ogen : Ulangen 28 : 1 – 6
Tema : “Dibata Si Masu – Masu Pendahin”

Pokok Pikiren :

• Selaku kalak si erkiniteken tentu kita ertedeh ate nandangi pasu – pasu Dibata ibas kerina dampar kegeluhenta, erpengarapen kita Dibata masu – masu ulih pendahinta subuk perjuma. Pengusaha, pegawai, rsd.

• Kata pasu – pasu berarti ningetken lit pemberi ras lit penerima, si pemberi pasti lebih erkuasa asangken si penerima, erkiteken si penerima la ngasup nehi kai si isurakenna adi la kin erkiteken i pasu – pasu .

• Pasu – pasu isehken Dibata erkiteken Ia sendiri si erjanji (berkat dimana Allah sendiri yang berjanji), pasu – pasu iberekenNa erkiteken perkuah ateNa (anugrah) ras pasu – pasu sibereken erkiteken kiniteken ras kesetian si erpengarapen man baNa (berkat yang didasarkan pengharapan kepada Allah agar Allah memberikan berkatNya).

• Pasu – pasu Dibata e terbagi kubas dua bentuk eme pasu secara fhisik (Berkat yang kelihatan) ras pasu – pasu secara spiritual (Berkat – berkat rohani) ras bisana duana bentuk bentuk pasu – pasu enda me isehken Dibata man kalak sitek ras singgeluh ngikutken kerina perentahNa.

• Ulangen 28 : 1 – 6, ningetken kerna pasu – pasu si isehken Dibata man kalak Israel secara fhisik (Berkat yang kelihatan), lit pe pasu – pasu si ijanjiken Dibata man bangsa Israel erkiteken kepatuhen bangsa e ngikutken kerina perentah – perentah Dibata alu tutus. Pasu – pasu e eme : njadiken bangsa e jadi bangsa si mbelin, ertuah bayak, enterem anak i pupus, mbuah page, melala lembu ras biri – biri, sinuan – sinuan, pangan si ipan bangsa e ras kerina pendahin si ilakoken bangsa e (ay 1b – 6).

• Ulangen 28 : 1 – 6 enda ningetken Sumber penghasilen utama bangsa Israel, eme alu mengolah taneh ras memperdagangken hasil mengolah bumi, tentu hasilna banci saja la bagi siarapken ntah la terprediksi, sebab banci saja lit bencana wabah, sierbahanca gagal panen. Ibas kondisi ras situasi sibage me kalak Israel nggejapken kegeluhen enda la i teruh kendali manusia tapi kegeluhenna lit iteruh kendali Dibata. Ibas pengertin sibage me maka kalak Israel menempatken hubungen ras Dibata ibas posisi si paling sentral ibas kegeluhen.

• Tema PJJ – nta “Dibata Si Masu – Masu Pendahin”. Tema enda ningetken Dibata me sinemani kegeluhenta ibas kita erdahin dingen ulih pendahinta tergantung kubas pasu – pasu Dibata.

• Ibas erdahin, tentu erpengarapen kita nandangi pasu – pasu Dibata, gelah kerina pendahinta mereken ulih sincukupi keperlun kegeluhenta. Ibas sie kerina erpalasken Ul 28 : 1 – 6, tempatkenlah dage hubungenta ras Dibata jadi sentral ibas kegeluhenta ras ndalanken kerina perentah – perentahNa gelah malem ate sebab Dibata memang masu – masu pendahin kalak si ernalem man baNa.

Pekan baru 03 Juli 2015.

Suplemen Khotbah Minggu 05 Juli 2015. II Tes 3 : 6 – 12 “Tutus Erdahin Biak Anak Dibata”

Suplemen Khotbah Minggu 05 Juli 2015.

Invocatio : Jeremia 29 : 11
Ogen : Kej 3 : 17 – 20
Khotbah : II Tes 3 : 6 – 12
Tema : “Tutus Erdahin Biak Anak Dibata”

Shalom.

Kekelengen Tuhan …
Abraham Maslow ngataken : “Kita lebih dari sekedar mahluk hidup yang memiliki mulut dan perut, tetapi kita juga adalah mahluk yang bermartabat, memiliki hati nurani, maka ketika kita bekerja sebenarnya kita sedang mengaktualisasikan diri sehingga hidup ini lebih berarti dan memberi arti hidup”. Konsep Abraham Maslow kerna kegeluhen enda sue ras pemahamen kekristenenta erkiteken kita selaku anak Dibata arus kin mengaktualisasiken diri ibas kegeluhenta sebage kalak sierdahin, erkiteken erdahin e sendiri memang kin biak, panggilen ras sebage perintah man banta (bd. Yoh 15 : 17, Kej 3 : 19), alu bage lalit alasenta guna la erdahin ras kalak si la erdahin ia menolak biakna selaku tinepa Dibata sierdahin.

Temata ibas minggu enda “Tutus Erdahin Biak Anak Dibata” kebaliken ibas tema enda tentu kalak si la tutus erdahin la ngusih biak anak Dibata. Alu bage temata ibas minggu enda situhuna enggo menjelasken man banta, erdahin alu tutus tentu ngena me ate Tuhan ras sebab tutus e sendiri ncidahken biak Dibata. Sijadi penungkunen man banta lit kin kalak si la tutus ibas erdahin ? tentu jababna lit. Ibas kita kalak Karo lit rusur ibelasken kuan – kuan simenggambarken kerna ketutusen ras kinilatutusen erdahin umpamana : “Adi man la bias piring tapi sanga erdahin iba cangkul”, kuan – kuan enda ngatakenca lit nge kalak pertewas ntah kedat, ibas sisi sideban rusur ibelasken kuan – kuan : “Raga – raga pernantin”, kuan – kuanen enda ngatakenca kerna kinijingkaten seh maka tupung sanga ngeranai entah paksa ngadi – ngadi pe tetap lit kegiaten si ilakokenna.

Kekelengen Tuhan …
Suarat Paulus man kalak Tesalonika enda ilatar belakangi kerna pengajaren Paulus kerna kerehen Yesus si peduakaliken, tapi lit kalak si salah menanggapi pengajaren e, eme maka ibas II Tes 3 : 6 – 12 Paulus ngulihi perpulungen e kerna sikap kegeluhen kalak kristen ibas nimai kerehen Yesus si peduakaliken, alu tutus erdahin guna ncukupi keperlun nggeluh ras njadiken erdahin sebage gaua hidup kalak kristen. Lit pe persinget si isehken Paulus ibas bahan khotbvahta ibas minggu enda eme :

• Enterem kalak kristen i Tesalonika ibas paksa e enggo kisat erdahin dingen enggo jadi beban man perpulungen. Lit pe penyebab kalak e kisat erdahin erkiteken lit pengakap maka kerehen Yesus sipeduakaliken enggo ndeher, emaka ibas paksa sie enterem kalak kristen si ndayaken erta – ertana jenari manganisa ras mbagi – mbagikenca man kalak sideban ibas nima – nimai kerehen Yesus si pedualkaliken (Perb 2 : 44 – 45). Tentu ras pasti, Yesus reh me peduakaliken, tapi ndigan ntah katawari e la isingetken Yesus. Alu bage, Paulus pe ningetken kiniteken nandangi kerehen Yesus pe arus tetap i gelem, tapi sikap ibas nimai kerehen Yesus peduakaliken tentu, la banci lang pe si pekena – kena me kegeluhenta, salah sada ibas mpekena kegeluhen ibas paksa nimai e eme alu ncukupi keperlun nggeluh alu erdahin.

• Ibas pemahamen kalak Tesalonika si salah enda me Paulus mpersingeti perpulungen e alu ngataken “ ….. sirangindulah senina – seninandu si perkisat, sila nggit ngikutken ajaren si ibereken kami” (ay.6), si enggo riahen iakapna ncampuri urusen kalak (ay.11). Jenari paulus njemba perpulungen gelah tetap ngusih dirina ibas tutus erdahin alu la erlatih – latih, sebab bage kin biak anak Dibata, la ngarapken pangan si la nggalar, la jadi beban man kalak sideban, membangun mentalitas simehuli alu la jadi kalak pemindo – mindo (ay. 7 – 10, Bd. Kol 3 : 23).

Kekelengen Tuhan …
Melala hal memang alasen si ibelasken kalak si la tutus erdahin, tapi umumna kerina alasen e hanya alasen kalak si perkisat ra la menjiwai dahin e alu meriah ukur. Wari enda isingetken man banta, ngena kel ate Tuhan nandangi kalak situtus erdahin, sebab erdahin biak anak Dibata kap selaku tinepa ras mari simaknai dahin ras erdahin sebage perintah Dibata ras panggilenta si isuruh jadi teladan ibas kegeluhen doni enda (bd. Ogen. Kej 3 : 17 – 20).

Piga – piga hal sibaci isingetken man banta guna banci mpeturah ras nambahi pengertinta kerna “Tutus Erdahin Biak Anak Dibata” si jadi temata ibas minggu enda eme :

• Kita enda kerina persuruhen Dibata ibas doni enda emaka la banci lang sicidahken me kemulian Dibata ibas kerina kegeluhennta, salah sada cara kita mpemuliaken Dibata ibas pengajuk wari enda eme alu encidahken kita enda labo kalak si malas ntah perkisat guna erdahin, tapi kalak situtus si memiliki mentalitas ras produktifitas kerja simehuli, sebab kai pe si idahiken kita mereken erti man banta banta ras man kalak sideban.

• Erdahinlah ras maknai dahin e sebage panggilan jiwa (Vocatio) gelah hasil dahin e memuasken. Sekalak memang la banci ipaksa guna erdahin adi la kin reh ibas ukurna nari dingen kalak sierdahin alu paksaan ntah bagi pahat si i pek – pek lebe maka erdahin sebab kalak si bage pahat pasti la pernah berinisiatif guna mengembangken pendahinna.

• Erdahinlah alu memaknai dahin e anugrah si ibereken Dibata man banta, labo hanya sebage pengertin dahin (pekerjaan/job) entah hanya guna ndatken hasil (sen) ntah pe guna erkarir (career), ibas sie sada pepatah ngataken nina : “If you work just for money, you’ll never make it. But if you love what you’re doing and you always put the customer first, success will be yours” (Jika Anda bekerja hanya demi uang, Anda tidak akan mendapatkannya, tapi jika Anda mencintai apa yang Anda kerjakan dan selalu meletakkan pelanggan sebagai yang utama, maka keberhasilan akan menjadi milik Anda). Dahiken sajalah dahinta alu meriah ukur ras ngataken bujur man Dibata soal hasilna serahken saja man Dibata sebab uga kel Dibata masu – masu kalak sierdahin alu tutus ras erkemalangen man baNa .

Kekelengen Tuhan …
Dahikenlah dage dahinta, tutus ate, ola lolah – lolah, ola kedat, ola pertewas, ola bagi pahat, ola dekahen medem, ola dekahen engkawil, ercatur, rsd, tapi pakekenlah waktu alu mehuli, dahiken kai sibanci silakoken ibas wari enda, sebab ibas kita ndahiken dahinta, Dibata erdahin ras bekerja sama kap ras kita, emaka nintalah ras – ras dage ras – ras ibas penutup khotbah enda alu melasken temata ibas minggu enda “Tutus Erdahin Biak Anak Dibata”.

Amin.
Pekanbaru 02 Juli 2015.