“Ersada Arih Guna Muat Si Mehuli” Gal 2 : 1 – 10

Suplemen PJJ 06 -12 Maret 2016.

“Ersada Arih Guna Muat Si Mehuli”
Gal 2 : 1 – 10

Pokok Pikiren :

• Enggo semal kel si iendeken lagu Kitab Ende – enden No 209 si erjudul “Perpulungen Ersadalah” ras banci jadi lagu enda enggo i hafal. Isi jiwa lagu enda eme gelah perpulungen ersada ibas kerina simehuli alu makeken kerina pemere si ibereken Dibata bagi siniarapken Tuhan simada gereja.

• Tapi mekatep ibas kinatana la bage siniarapken sijadi ras banci jadi enggo mamang ateta erkiteken lit denga rusur turah persoalen – persoalen ibas kegeluhen gereja subuk e persoalen si kitik ntah mbelin ras enggo ka hal sibiasa siakap. Jawapen klasik umumna menjawab persoalen e ninta rusur ; “bage kin nge adi enggo enterem, labo banci bagi ukur kel kerina, emaka adi sitik – sitik nge turah persoalen, la siangkan biasa nge e”, janah sada nari jawapen si lebih pepalem pusuh (menenangken jiwa), ninta rusur ; “doni enda ingan rubat kin, i jah (surga) nge pagi maka enggo dame situhu – tuhu”. Tapi ibas kinatana jawapen klasik ras pepapelm pusuh (simenenangken jiwa) ndai menjawab persoalen – persoalen si lit ibas pelayanen gereja, janah mekatep er aruna ateta erkiteken persoalen e pe situhuna labo persoalen si man persoalenken tapi dungna jadi persoalen si mbelin si arus icakapken enterem jelma ntah seh ku tingkat pengadilen pemerintah. Budaya runggu sebage salah sada dalan si itempuh ibas gereja pe lanai berhasil ndungi persoalen si lit, padahal budaya runggu e sendiri situhuna dalan guna mpersada arih guna muat simehuli. Alu bage, maka adi lit kin persoalen silanai terdungi alu runggu ibas gereja, maka situhuna kita sekaligus melanggar dua hal si mbelin eme kata Dibata siman patuhenta ras budayanta sebage kalak Karo si itandai alu keramahenna (Filosfi 3 M ibas kita kalak Karo : Medes, Metami ras Mehamat). Tapi amin bage gia, kita la banci apatis, sebab tek kita ibas penemani ras pengajaren Kesah Si Badia, ibas sada paksa kerina pagi banci mehuli, sebab ertambah – tambah me kepentaren ras kebijaksananta erkiteken kata Dibata tetap sijadi bahan penggurunta bagi nina Paulus ibas Ef 4 : 13 “alu bage dungna ersada kinitekennta ras penandaita kerina nandangi anak Dibata ; kita dewasa, janah dungna seh kita ku tingkat kedewasaan Kristus si serta e”.

• Ngorati bahan PJJ-nta sekali enda, tuhu sada hal sipenting man banta alu mbages, gelah alu bage tambah pengertinta kerna kegeluhen ibas persadanta ras Kristus, janah erpengarapen kita maka tema PJJ-nta sekali enda “Ersada Arih Guna Muat Si Mehuli” banci terjawab ras terealisasi ibas kerina dampar kegeluhenta. Guna banci lebih tangkas man banta, kerna oraten ras tema PJJ-nta sekali enda, piga – piga hal si banci isingetken kami ijenda eme :

1. Bagi enggo sieteh ras – ras surat Galatia enda surat tertua Paulus erkiteken surat enda surat si itulisken ope denga kitab injil ras kitab PB itulis. Surat enda eme surat persinget ras pengajaren Paulus man kalak Galatia kerna uga arsuna nggeluh erkiniteken ibas percampuren latar belakang si lit ibas perpulungen e, sebab ibas perpulungen Galatia memang lit percampuren antara kalak Jahudi bagepe non Jahudi, ibas litna percampuren e mekatep pe turah persoalen – persoalen kerna pemahamen hukum – hukum ntah aturen keagaman si arus i idalanken perpulungen.
2. Paulus memahami alu benar kerna persoalen si turah ibas perpulungen kalak Galatia. Lit pe persoalen si medasar ibas perpulungen e me litna kelompok kalak Jahudi si memegang teguh aturen taurat, alu ngataken maka labo erkiteken tek saja nandangi Yesus saja ngenca dalan keterkelinen tapi pe arah ndalanken undang – undang taurat eme alu ersunat, sebab ibas paksa si kalak Jahudi tetap memahami sunat sebage si harus ilakoken bagi itetapken taurat, sementara kalak non Jahudi mengganggap, maka sunat lanai jadi hal prinsip si arus idalanken, erkiteken pengajaren si isehken Paulus, kerna kebesasen ibas Kristus si enggo mbebasken kerina kalak perdosa alu kematenNa i kayu persilang.
3. Dua hal penting kerna pengajaren Paulus ibas paksa sie eme , sipemena : Sunat lanai sada hal  si prinsip alu ngataken, perpulungen e arus melepasken dirina ibas aturen undang – undang taurat si erbahanca kalak e la bebas ras teriket. Sipeduaken : Gia sunat lanai jadi sada kearusen tapi ibas kebebasen nandangi taurat e makam labo e nagatkenca perpulungen banci nggeluh rate – ate, tapi arus tetap nggeluh ibas kebebasen si ertanggungjawab ibas kiniteken man Kristus (bd. Gal 5 : 1 – 26).
4. Tapi ibas kinatana, kedungenna pengajaren Paulus kerna kebebasen e, i salah ertiken perpulungen khususna kalak Kristen Non Jahudi, kalak e dungna nggeluh erbana – bana kenca Paulus lawes nandingken perpulungen guna erberita si meriah ku ingan sideban. Pengajaren si isehken Paulus tempa – tempa bagi angin mentas saja, erkiteken perpulungen e nggeluhken geluhna alu ate – atena saja, uga iakapna cocok bageme ibahanna (ay. 1- 3).
5. Ibas sisi sideban tambah persoalen si turah ibas perpulungen, eme erkiteken litna kelompok kalak jahudi i luar Galatia nari reh ras bengket ku perpulungen e si ersura – sura mengacauken  kegeluhen perpulungen. Lit taktik kalak e ibas sura – surana ncedai kegeluhen perpulungen eme alu mempertanyaken wibawa rasuli ras nuduh Paulus labo sekalak rasul, alu alasen maka Paulus la pernah jumpa ras berinteraksi ras Yesus secara langsung. Jenari kelompok enda pe memaksaken gelah undang – undang taurat Musa idalanken ibas kerina kegeluhen perpulungen (ay. 4 – 6).
6. Ibas usaha kelompok e erbahan pelemahen terhadap diri Paulus, maka Paulus pe mereken pembelaan terhadap dirina alu ngataken ; maka ia langsung iangkat Dibata sebage rasul Yesus Kristus (ay. 7 – 8). Jenari alu tegas Paulus pe menolak paham kebebasen sianut perpulungen bagepe legalisme Jahudi kerna taurat. Janah Paulus sendiri nggelari kelompok e sebage kelompok pengacau si beluh ibas memutar baliken fakta kerna berita si meriah, sierbahanca kalak saling menuduh ras saling mencurigai.
7. Bage me Paulus ibas masana menghadapi persoalen si lit ibas perpulungen kalak Galati ncidahken man perpulungen kalak Galatia, maka dirina ras rasul – rasul sideban (Jakup, Petrus, Johanes) tetap nge ras tuhu – tuhu ersada arih ibas meritaken berita si meriah gia melala tantangen ibas ndahiken -dahin meritaken berita si meriah (ay. 8 – 10).
8. Ibas sie kerina si idah me dage maka lit sikap si tegas ibas diri Paulus ras pang mandang si salah. Tapi amin bage gia, ibas ketegasen dingen kinipangenna mandang si salah, Paulus pe tetap erusaha njagai kiniersadaan kegeluhen perpulungen ras kerina teman sepelayanenna. Janah kerina kunci keberhasilen Paulus e kerina tentu erkiteken kepatuhenna nandangi Kristus ras ncidahken sikap nggeluh sebage sekalak si enggo dewasa ras sekaligus nggeluh alu meteruk rukur.  Janah patut memang kita mengacungken jempol nandangi Paulus ibas pribadina si luar biasa, erkiteken Paulus memang Paulus la pernah peganjangken bana gia ia sekalak si cukup berhasil ibas meritaken berita si meriah, erkiteken ia memang kin sekalak si tulus ibas meritaken berita si meriah, Paulus la pernah ndarami keuntungen guna dirina, sebab sura – surana memang hanya guna mpemuliaken Kristus ibas kegeluhenna ras eme maka Paulus pe ersura – sura ras erpengarapen kel nandangi kerina perpulungen si enggo i pantekina lako tetap ersada ukur, sada pikiren ras sada prarih ibas majekken kula ni Kristus (Bd. Flp 4 : 2, Rom 12 : 16).

• Tema PJJ-nta “Ersada Arih Guna Muat Si Mehuli”. Tema memang cukup penting si realisasiken ibas kegeluhenta subuk e ibas kegeluhen jabu bagepe ibas kegeluhen ergereja. Mungkin kah e banci jadi jadi ? tentu banci, ras adi ateta sie jadi ibas kegeluhenta secara pribadi bagepe ibas kegeluhen gereja bahanlah palasna nteguh eme kiniteken man Kristus dingen nggeluh alu ersada arih, ertina setiap pribadi arus nggejapken maka ia ersada kap ras Kristus ras alu persadanta ras Kristus e, tentu pikiren ras perbahanenta pe bali ras Kristus. Nggit kin Kristus peganjangken bana ? nggit kin Kristus ndarami keuntungen guna diriNa ? nggit kin Kristus nembeh ntah ermenek – menek ? nggit kin Kristus peturahken perubaten ? nggit kin Kristus asal ngeranai ? nggit kin Kristus pegabuken ? nggit kin Kristus  ngadu – ngadu ? nggit kin Kristus erbahan perpecahen ?    Tentu lang. Kristus tetap ncidahken biak simehuli ibas kerina dampar kegeluhenNa ras sie kerina i lakokenNa guna kemulian Dibata Bapa i surga. Paulus enggo ngusih biak Kristus e ibas kegeluhenna, adi Paulus ngasup ngusih biak – biak Kristus ibas kerina kegeluhenna maka tentu pe kita ngasup ngusih biak – biak Kristus bas kerina kegeluhenta.

• Malem kel memang ate adi tercipta kiniersadan ibas kegeluhen perpulungen alu arih – arih siersada ibas si mehuli, terlebih ibas jabu bagepe ibas gereja. Dingen sie situhuna perayakenta kap, emaka marilah silumbaken nggeluh ibas sada perarih guna muat simehuli, si persilahang kerina biak – biak sila mehuli sibanci ncedai kiniersadanta. Kai kin gunana ntah untungna adi ersoal kita, si banci ncedai kiniersadanta subuk e ibas jabu ntah ibas gereja ? me pangen nge si persada arihta guna muat simehuli ? sebab untung kel nge ngenca si dat ibas kerina persadanta adi kita ersada arih dingen ibas kiniersadaan e tentu reh buena me banci silakoken terlebih ibas majekken kula ni Kristus.

• I kota kaban jahe lit mobil angkuten umum merekna “Arih Ersada” ras merek kilang padi “Sada Arih”, bageme ulina kata enda seh maka kata “Arih Ersada” e pe i pake jadi sada merek guna erusaha. Janah ibas kegeluhen gerejanta kata “Arih Ersada” e  pe tole ituangken ibas lagu Ende – endenta PEE No 43 : 3 nina “Ersadalah min arihta kerina, make kata ras pedahNa. Gelar ni Tuhan ‘lah tetap mulia, ije me tridah ibas lagu langkahta.  Kalak si malang nandangi Tuhan, la kap nggit nimbak, labo nggit nogan, maka dahiken ‘lah alu tutus. Ola lakoken alu mekarus”.

• Uga dage ninta ? me si persada dage arihta muat si mehuli, sue ras tema PJJ-nta sekali enda ? adi ue ninta, maka nintalah dage ras – ras melaseken tekadta “Ersadalah Min Arihta Dingen Sadalah Min Arihta”.

Amin. Pekanbaru 07 Maret 2016. Pdt. Israel H S Milala.

John Sung, Sang Obor Asia

John Sung, Sang Obor Asia   

 

John Sung, 1901-1944, adalah anak keenam dari seorang Pendeta Gereja Methodist di China. Sseorang yang pandai dan sifatnya keras. Umur 23 tahun, John Sung telah bergelar Doktor dan menerima banyak penghargaan dalam bidang ilmu pengetahuan. Kemudian ia belajar Sekolah Theologia. Sebelum mendarat di Shanghai setelah tujuh setengah tahun belajar di Amerika Serikat, doktor Sung melempar semua ijazah dan piagam penghargaanNya ke dalam laut supaya semua itu tidak menggodanya untuk mencari penghargaan manusia. Ia mau melayani Tuhan dengan sepenuh hati, ia hanya menyimpan gelar doktor untuk diperlihatkan kepada ayahnya.

Hidup dan pelayanan doktor John Sung terjadi dalam waktu yang sangat penting bukan hanya dinegaranya tapi juga di Negara lain. Perang dunia kedua pecah sebelum John Sung meninggal, pendudukan Jepang terhadap negara-negara lain terjadi di Asia. Tuhan memakai John Sung untuk mempersiapkan orang-orang Kristen menghadapi masa penderitaan itu. Ia mengajar Firman Tuhan tanpa mempedulikan dirinya sendiri. Selama kunjungannya terakhir di Indonesia, ia dalam kondisi yang sangat lemah dan hanya dpat berkhotbah sambil duduk tapi berkat pelayanan Jogn Sung masih sangat terasa sampai sekarang. Banyak gereja dibangungkan, pekabaran injil diperbaharui dan banyak jiwa dijamah.

Tanggal 27 September 1901, John Sung lahir di desa Hong Chek Propinsi Fu Jian, China. Diberi nama Yu Un artinya berlimpah anugerah.Tahun 1909, Roh Kudus mengubah hidupnya melalui KKR tentang peristiwa Yudas Iskariot di taman Getsemani. Mulai saat itu ia sering menolong Ayahnya untuk tugas-tugas Gereja dan meggantikan Ayahnya untuk berkhotbah sehingga mendapat julukan baru si Pendeta kecil lebih baik dari yang sebelumnya yaitu si kepala besar.   Tahun 1920, berangkat ke  Amerika kuliah di Universitas Weshley dan bermimpi mendapat visi dari Tuhan bahwa ia harus pergi memberitakan injil karena hanya melalui Salib Yesus semua orang dapat selamat.

Tahun 1923, John Sung lulus dari Universitas dengan hasil yang memuaskan dan mendapat gelar doktor. Pada saat itu ada seorang Pendeta yang dipakai Tuhan mengatakan bahwa John Sung lebih mirip seorang Pendeta daripada menjadi seorang ahli ilmu alam, kemudian ia masuk sekolah Alkitab dan masuk rumah sakit jiwa selama 139 hari. Disitulah ia berkesempatan membaca Alkitab dari Kejadian sampai Wahyu sampai 40 hari. Tahun 1927, John Sung kembali ke Shanghai dan menyatakan pada keluarganya bahwa ia sudah menyerahkan diri dan hidupnya untuk memberitakan injil.   

Tahun 1930, John Sung memulai pelayanan dikampung halamannya dan banyak orang bertobat menerima Tuhan Yesus. Tahun 1933, Ia mendapat mimpi bahwa Ayahnya pulang ke rumah Bapa dan sang Ayah memberi tahu bahwa John Sung masih ada sisa umur tujuh tahun lagi untuk memberitakan injil. Tahun 1935, John Sung melayani di Filipina dan Singapura. Tahun 1936, John Sung melayani di Asia Tenggara walaupun sakit paru-paru dan kesehatannya semakin menurun, tapi itu tidak menghalanginya tetap melayani Tuhan. Tahun 1939, Doktor Sung dating menuju Surabaya (Jawa Timur, Indonesia) dan mengadakan KKR dua puluh satu kali dalam seminggu. Pada saat itu ia mendapat kabar bahwa anak laki-laki satu-satunya bernama Josua pulang ke rumah Bapa. John Sung sangat sedih tapi secara iman dia bersukacita karena anaknya hidup didalam genggaman tangan Tuhan dan sekarang sudah bersamaNya. Tahun 1944, John Sung pulang ke rumah Bapa di Beijing didampingi istrinya yang setia.

Kisah John Sung ini, sepertinya memang sudah dirancangkannya dari sebelum dilahirkan dan sewaktu masih dalam kandungan sampai lahir dan sampai pada akhir hayatnya. Semua terjadi nyata dan sudah digariskan oleh Tuhan. John Sung tinggal menjalankan dan harus melakukan serta mewujud nyatakan kehendak Tuhan dalam kehidupan pelayanannya.

Sampai saat ini, banyak orang yang masih menantikan kabar sukacita yaitu injil keselamatan dan Tuhan Yesus meminta kita untuk berdoa memohon supaya Tuhan mengutus pekerja-pekerja dan ketika kita sedang berdoa siapa tahu mungkin kitalah yang dipanggil dan diutus oleh Tuhan.

sumber : Nafiri Kasih

Share this:

“PERJUMPAAN RAS PENGALOKEN SAKEUS, NANDANGI YESUS ” Lukas 19 : 1 – 9

Suplemen PA Moria 28 Feb – 05 Maret 2016.

“PERJUMPAAN RAS PENGALOKEN SAKEUS, NANDANGI YESUS ”

Lukas 19 : 1 – 9

“PERJUMPAAN RAS PENGALOKEN SAKEUS, NANDANGI YESUS ”

Lukas 19 : 1 – 9

Pokok Pikiran :

• Ngerana kerna Sakeus labo soal si asing man banta sebab cerita kerna Sakeus memang sangat menarik, Kalakna gendek, itandai kalak sebage pemungut cukai janah lebih terkenal kenca ia mengalami pertobaten, mpersilahken Yesus ku rumahna alu hati si terbuka dingen erbahan kesaksian pernyataan pertobatenna kenca ngaloken Yesus jadi juru selamatna.

• Mari sinen bahan PA – Morianta Lukas 19 : 1 – 9 enda arah sisi pribadi diri Sakeus, sebab cerita enda labo hanya ningetken Sakeus si ersura – sura ndatken kesematen, sebab Yesus sendiri pe ersura – sura gelah kerina jelma ndatken keselamaten arah berita si meriah si iberitakenNa ras eme sebabna maka kenca i Yerusalem nari Yesus nerusken perdalanena ku Yerikho. Lit pe si banci isingetken mulihi man banta kerna cerita pertobatan Sakeus si banci sidat erpalasken oratenta sendah enda eme :

• Sakeus sekalak Jahudi, si memiliki jabatan tinggi, ibas cerita mungkin hanya rusur ikataken ia sekalak pemungut cukai tapi situhuna Sakeus kalak hebat sebab ia sekalak kepala pemungut cukai i kota Yerikho. Ibas paksa sie, jabaten e enggo me mehaga terlebih ibas paksa sie bangsa Israel lit teruh kekuasaan Romawi, dingen banci saja jadi pegawai kerajaan Romawi enggo me ikataken hebat ras tentu kalak si lihai nge maka banci ndatken jabaten sibage rupana. Jabaten pendahin Sakeus e erbahanca ia terkenal iantara kalak Jahudi ras lebih terkenal ka ibas kelajujurenna, sebab Sakeus memang la pernah jujur adi ibas duit. Akibat perilakuna si bage rupana Sakeus ndatken penghakimen sosial, ija kalak kalak si enterem nggelari Sakeus sebage “Pemungut Cukai yang Tidak Jujur” janah gelar silebih mengeriken ibas kegeluhen kerohanian kalak Jahudi, Sakeus i cap sebage sebage “Kalak Perdosa” si la nai ndatken keselamaten ibas kinirajan surga. Cuba sibayangken adi lit gelar ibereken kalak man banta, sada gelar si la mejile, kita pe pasti kurang senang ras banci jadi berontak, umpamana ; Si Anita jadi Si Anceng ; Putriana jadi Percian, rsd. Ibas sie gia lebe me enggo me perlu kita metenget ibas berprilaku, gelah ula ban kalak gelarta si la mehuli, gia labo gelar kel si penting nina William Shakespeare, tapi menurutku gelar e pe situhuna seh pentingna sebab gelar labo hanya soal identitas tapi pe ngerana soal integritas.

• Ibas pendahin Sakeus sebage pemungut cukai si la jujur, Sakeus memang berhasil mengumpulken erta si melala, ertina secara materi ibas paksa sie Sakeus lanai kekurangen, banci menikmati kegeluhen si berkecukupen. Tapi amin gia ibas situasi sicukup kepeken Sakeus la merasa dame, banci jadi lit rusur perubaten ibas pusuhna, sebab umumna pusuh memang pasti memberontak adi lit si salah ilakoken sekalak jelma. Emaka tupung ibegina Yesus reh ku Jerikho meriah kel ukurna ras tentu saja Sakeus enggo pernah megi berita kerna Yesus, erkiteken berita kerna Yesus memang enggo mbar kel ibelang – belang Yerusalem. Ibas kerehen Yesus ku Yerikho lit keinginen si mbelin ibas diri Sakeus eme ngidah dingen jumpa ras Yesus. Keinginen si mbelin eme erbahanca Sakeus melepasken kerina harga dirina, la ia mela gia ia sekalak perdosa, Sakeus melupaken ras melepasken kerina harga diri si melekat ibas dirina (ay.3).

• Perjumpaan ras Yesus jadi sada pengalamen si luar biasa secara pribadi man Sakeus. Kelemahen ras kekurangen fhisik la jadi penghalang man bana guna banci ngidah ras njumpai Yesus, alu segala cara iusaheknna ia kiam ngelebei jelma si enterem jenari ndatasi batang kayu Ara sebab kalak si enterem si berfhisik lebih baik asangken ia tetap menghalangi pengenen matana. Luar biasa memang Sakeus mungkin berlaku ungkapan si nina kalak rusur “orang kecil banyak akal”. Sakeus ndatasi batang Ara guna banci ngidah Yesus ras perdiatekenlah kai sijadi kenca idahna Yesus idatas batang Ara nari, Sakeus tuhu – tuhu merasaken sada keriahen si mbelin, terlebih kenca ia i perkuanken Yesus “O, Sakeus pedasken nusurken, Sebab sendah kesilang ateku i rumahndu” (ay.5). Ibas perjumpaan e teridah tuhu – tuhu keriahen Sakeus dingen ije me ia situhuna engg bertobat ntah banci sikataken pandangen pertama Sakesus nandangi Yesus langsung membuahken pertobaten man diri Sakeus. Perjumpaan e la hanya terjeng i idah ras jumpa bagi kalak si tatapen mata saja. Ibas kegeluhenta sigenduari, uga nge ninta, mungkin kita enggo rusur ku gereja, PA – PA, jumpa teman si sada kiniteken radu ras rende, rsd. Tapi cuba sirenungken ngulihi, lit denga kin lah “rasa” ibas perjumpanta ras Dibata, reh ku Gereja, PA – PA ntah jumpa ras teman si sada kiniteken ? Apakah setiap ibadahta mereken membuahken pertobaten man banta ? ntah banci nge sibahan perenungen kerna sie, perubahen kai nge si lit ibas dirinta, la lah ndia gel – gel nge nge kerina pengarana ras perbahanenta ? ntah la kin ndia ibadah ras PA – PA nta e enggo hanya sebage “candu” man banta ?. Sakeus ber-respon ibas perjumpanna ras Yesus ras sekaligus membuahken pertobaten si luar biasa ibas geluhna. Ibas jamanta sigenduari enda enterem kalak singataken ia kalak sierkiniteken man Yesus, tapi pengakuen e pe tetap harus i pertanyaken, sebab banci jadi perjumapan ras pengaloken Yesus ibas kegeluhen la membuahken pertobaten. Ras salah sada kritiken si rusur ku sehken i tengah – tengah perpulungenta maka “kesibukenta enggo mekatep jadi penghalang guna erbahanca kita jumpa ras Yesus. Ija erkiteken kesibukenta e maka jam ibadah gereja pe mekatep harus isesuaiken ras kebutuhen jemaat, aminna gia sekali labo jam ibadah gereja si menentuken keselamaten, tapi situhuna gambaren si jadi e situhuna jadi sada pembuktian “sabbat/perjumpaan ras Yesus” lanai jadi kebutuhen si medasar ibas kegeluhen rohaninta ? janah secara pribadi mekatep aru ateku erkiteken gereja pe enggo mulai hanya memenuhi “kebutuhen pasar” ras mungkin tahun – tahun berikut, lit ka enggo pagi gereja tengah malam … hehehe, dingen sie kerina berbanding terbalik kel ras Sakeus.

• Perjumpaan ras pengaloken Sakeus nandangi Yesus si kesilang ibas rumahna, memang payo melahirken pertobaten ras membuahken perbahanen si mehuli ibas diri Sakeus. Dingen ibas wari sie ka me Sakeus langsung mpraktekken buah pertobatenna alu ngulihken kerina sen kalak si enggo pernah ialokenna alu cara si la bujur alu ngulihkenca empat kali lipat dingen numbangken setengah erta – ertana man kalak musil (Ay. 8) ras erkiteken pengakuan ras perbahanena e me maka Sakeus ndatken pujin ras pasu – pasu ibas Yesus nari alu nina Yesus man bana ; “Ibas wari sendah enda enggo reh keselamaten man isi jabu enda. Kam pe kesusuren Abraham kap” (ay. 9). Bageme Sakeus ibas perjumpan ras pengalokenna Yesus, ia ndatken keselamaten ras kehormaten si mbelin ibas Yesus nari, igelari sebage kesusuren Abraham.

• Bage me Perjumpan ras pengaloken Sakeus nandangi Yesus, terjadi ibas moment si tepat, Yesus berkunjung ku Yerikho sekaligus menjawab sikel Sakeus si atena jumpa ras Yesus, dingen ibas ibas perjumpan e Sakeus melupaken/ melepasken kerina harga dirina dingen melawan rintanagan si menghalangi guna jumpa ras Yesus seh maka idatas kayu Ara nari pe malem atena ngidah Yesus. Tuhu memang malem kel ate Sakeus sebab ibas sura – surana ngidah Yesus, perjumpanna e gayung bersambut, dirina i sapa Yesus alu dem keleng ate, ngelebuh gelarna dingen nuruh dirina gelah nusur idatas batang kayu Ara nari. Ibas keriahen perjumpaan e Sakeus mempersilahken Yesus kesilang ibas rumahna alu hati yang terbuka janah ibas keriahen e Sakeus pe nikapken pangan simehulina ibas menjamu Yesus. Ibas diri Sakeus paksa sie, Yesus lanai terjeng menjadi tamu ngenca ibas rumahna tapi enggo menjadi tuan rumah ibas kerina kegeluhenna. Jenari ibas ketulusen pertobatenna, Sakeus alu kebulaten ukur, ia mbuktikenca arah perbahanenna si isaksiken jelma si enterem alu ngulihken kerina duit kalak si enggo pernah itipuna empat kali lipat ras mereken setengah erta – ertana man kalak musil. Luar biasa memang ulih perjumpaan ras pengaloken Sakeus nandangi Yesus, erkiteken kenca sie Sakeus sekaligus jadi pasu – pasu nandangi kerina isi jabuna bagepe man kerina jelma ras pe ndatken ngulihi status sosial si benar ibas hukum kalak Jahudi (rectus in curia).

• Mari si refleksiken kerina kerna kegeluhen Sakeus ibas PA – nta sekali enda eme ibas ia ngaloken Yesus jadi juru selamatna. Lit nge ndia iantara kita si mengalami pertobaten bagi Sakeus ? jababna tentu arus sijabab lit ! ras adi nina kalak ise e dage ? maka nintalah kerina Moria ngaloisa … aku ! emaka erpalasken sie kerina mari dage ninta ras – ras melasken tekadta ibas PA – nta wari sendah enda “Perjumpan ras Pengalokenku nandangi Yesus bagi Sakeus”.

Amin.
Pekanbaru 02 Feb 2016. Pdt. Israel HS Milala.