Suplemen PJJ 09 – 15 Agust 2015. Roma 13 : 1 – 7 “Warga Negara Si Payo”

Suplemen PJJ 09 – 15 Agust 2015.

Ogen : Roma 13 : 1 – 7
Tema : “Warga Negara Si Payo”

Shalom.
Ibas Roma 13 : 1 – 7 Paulus menjelasken ntah memaparkan kerna hak ras peran pemerentah nandangi rakyatna bagepe nuriken tanggung jawab rakyat nandangi pemerentah. Tapi amin bage gia maka la banci silupaken konsep manusia memerintah manusia labo sesuai ras rencana penciptaan manusia (creational design) si itetapken Dibata, ertina Dibata nge sitetap pemegang otoritas tertinggi nandangi manusia, alu bage Dibata berhak ndatken pertanggungjawapen ibas kerina kegeluhen manusia nari.

Sebage kalak kristen kita pe tentu patuh ras taat nandangi pemerentah erkiteken Yesus sendiri pe ngajarken man banta maka kita pe arus nehken tanggungjawabta man pemerentah alu patuh man aturen pemerentah (Mrk 12 : 1 – 17). Janah ndauh sebelum masa pengajaren Yesus e, Dibata pe memang enggo menetapken erbage – bage aturen kerna kegeluhen manusia subuk e ibas pemerentahen ras kepatuhen nandangi pemerentah (bd. Ul 17) ertina kerina pengajaren ras ketetapen Dibata e erguna gelah kegeluhen manusia lit ibas kiniraturen.

Paulus sebage warga negara enggo ngenanami uga menjadi sekalak warga negara ras ia merasa bangga sebage sekalak warga negara Roma. Bali ras ibas zamanta sigenduari maka tentu kita pe bangga jadi salah sada warga negara Indonesia. Ibas zamanna Paulus bangga ia menyandang kewarganegaranna, erkiteken memang ibas paksa sie pemerentah Romawi ngelaloken fungisna alu mehuli man kerina man kerina warga negarana. Pemerentah mendukung penuh ras mereken keleluasaan man kerina rakyatna guna mengembangken usahana gelah kegeluhen reh ulina, mereken rasa aman kerina rakyatna alu mereken perlindungen penuh ija pe rakyatna tading. Emaka ibas paksa sie, jadi warga negara Roma eme sada kebanggan tersendiri sebab ibas sekalak jadi warga kerajaan Roma, ia ndatken hak – hak istimewa, umpamana sekalak warga la banci i penjaraken adi lenga i adili, janah adi sekalak terdakwa merasa ndatken ketidakadilen maka ia banci naik banding langsung man Kaisar janah Kaisar me si memtus perkarana, subuk e man warga kelas rendah ras bangsawan. (William Barclay, mengutip EJ Goodspeed : “Ambassador For Christ : Life Teaching Paul).

Ibas masa pelayanenna, Paulus mbue tersampati erkiteken status kewarganegaranna sebage kalak Roma, umpamana : tupung ia i penjaraken i Filipi, erkiteken kewarganegaranna sebage kalak Roma, kedungenna alu sinik – sinik hakim melepasken Paulus erkiteken hakim – hakim mbiar nandangi pemerentah Roma ras ietehna uga pemerentah Roma mereken perlindungen penuh man kerina rakyatna (Perb 16 : 37 – 39), bagepe pernah sekali jadi i Jerusalem Paulus la surung i hukum cambuk erkiteken Paulus ngataken hakna sebage kalak Roma alu ngataken, banci kin sekalak warga Roma i hukum alu la i adili ? ras kenca i katakenna ia sebage warga negara Roma maka paulus la surung i hukum (Kis 22 : 28).

Ibas pengalamen kegeluhen si bagenda me, Paulus ningetken man kalak kristen i Roma gelah kerina kalak kristen patuh man pemerentah, alu ningetken “kerina kam arus patuh man pemerentah, sebab labo lit pemerentah si la ibas Dibata nari, janah pemerentah si lit genduari e pe Dibata nentapkenca” (ay.1). I jenda paulus sekaligus menjelasken maka pemerentah eme sarana perwakilen Dibata guna menciptaken kiniraturen, kesejahtraan ras keselamaten rakyat, alu bage sekalak warga negara arus patuh man pemerentahna. Lit pe kepatuhen siarapken Paulus ibas kerina kalak kristen nari eme : mengakui pemerentah eme sebage perwakilen Dibata guna ngaturken kegeluhen manusia (ay.1), patuh nandangi pemerentah bagi kepatuhen nandangi Dibata, dingen kinilapatuhen bali kap e ras ngelawan Dibata (ay.2). Lit pe bentuk kepatuhen si iarapken Paulus eme alu ngelakoken si mehuli ibas ukur ersuruh nari, labo erkiteken mbiar nandangi hukumen, sebab kalak si jahat nge mbiar man pemerentah, eme alu ngelanggar ketetapen pemerentah alu la nggalar pajak, la mehamat ras la ngergai kalak si patut i ergai (ay. 3 – 7). Ibas kerina kata persinget Paulus e, teridah maka Paulus tuhu – tuhu memahami Dibata nge simenetapken pemerentah ras simereken hak man pemerentah guna mereken ukumen nandangi kalak sila patuh man pemerentah (bd. Pemilihen ras penetapen raja – raja ibas kalak Israel, ija Dibata nge memilih ras menetapken kerina pemerentah kalak Israel dingen raja – raja ertanggung jawab penuh man Dibata kidekah pemerentahenna).

Tentu ibas masa genduari pe, pengakunta bali nge ras pengakun Paulus, si akui pemerentah i doni rehna ibas Dibata nari ras bageme pengakunta nandangi pemerentah negaranta Indonesia enda. Labo perlu si persoalken kai agamana, kai sukuna, tapi siakuilah, kerina pemerentah e rehna ibas Dibata nari ras marilah sidukung pemerentah si lit guna kiniulin kegeluhen secara bersama terlebih – lebih ibas negaranta Indonesia enda.

Itengah – tengah kemajuan zaman, erbage – bage ka me genduari masalah siturah i tengah – tengah bangsata, umpamana : kemiskinen, kerusaken lingkungan, ketimpangen sosial, korupsi, hukum situmpul keatas tapi tajam kebawah, cedana moral ras mental anak – anak bangsa, rsd. Ibas sie kerina uga dage ninta, haruskah kita berpangku tangan alu hanya ncakapken kerna kinirajan surga sebage perayaken akhir ibas kegeluhenta ? tema PJJ – nta sekali enda ningetken man banta gelah kita (gereja) tetap menggumuli peranna sebage warga negara ras relasina nandangi pemerentah.

Piga – piga peran sederhana sibanci silakoken ibas masa sigenduari enda eme, erperan serta guna mengawasi kinerja pemerentah ras puji Tuhan, presidenta si genduari tuhu peduli nandangi kegeluhen bangsa ras negaranta, emaka ibukana salah ingan pengadun rakyat si langsung man Presiden (https://www.laporpresiden.id/), tentu hal sienda melala sisi positifna, sebab ibas web enda kita sebage rakyat banci langsung erpartisipasi ibas pembangunen alu mereken aspirasi guna kegeluhen erbangsa ras ernegara, jenari si sehken pe tanggungjawabta alu nggalari pajak, menaati hukum, rsd, dingen kerina sie si ilakoken alu ukur ersuruh (kesadaran penuh sebage warga negara) labo erkiteken mbiar nandangi hukum. Dage sebage warga negra si payo mari dage sibuat peranta masing – masing ibas kerina sisi kegeluhenta subuk sebage pengajar, pengusaha, perjuma, cendikiawan, rsd, guna kiniulin kegeluhen bangsa ras negaranta. Selamat menjadi warga negara si payo.

Amin.
Pekanbaru 07 Agust 2015.