Suplemen PJJ GBKP 20 – 26 Sept 2015. “Kebaktian Ibas Jabu” Mzm 78 : 5 – 8

Suplemen PJJ 20 – 26 Sept 2015.

Tema : “Kebaktian Ibas Jabu”
Ogen : Mzm 78 : 5 – 8

Shalom.
Salah sada bentuk ungkapen kegeluhen ibas erkiniteken eme teridah ibas wujud ibadah, jenari wujud ibadah e ndatken bentukna ibas kebaktin – kebaktin. Kai kin ertina kebaktin ? secara sederhana iertiken kami eme “penyelengaran ibadah” emaka model ntah bentuk kebaktian e banci berbeda sue konteks ras situasina. Sue ras tema PJJ – nta sekali enda, lit piga – piga hal siarus sipahami guna nambahi pengangkanta, gelah alu bage, seh kai si irapaken tema PJJ – nta enda man banta eme erbahan kebaktin ibas jabu.

• Ibadah eme “persekutuan” antara manusia ras Dibata, janah simenjadi dasar “persekutuan” e labo erkiteken iketen hubungan timbal balik yang saling menguntungkan (mutualisme) tapi erkiteken inisiatif Dibata sendiri. Alu bage ibadah e eme“respon” manusia nandangi keleng ate Dibata si enggo si isehkenNa man manusia.

• Ibadah pe banci iertiken cara kalak sitek guna menungkapken keriahen kegeluhen/pengataken bujur manusia man Dibata, ija manusia enggo nggejapken karya keselamaten si isehken Dibata man manusia. Hal sienda banci sibandingken ras ibadah si ilakoken kalak Israel ibas setiap kegeluhenna. Sejarah PL nuriken, kalak Israel ngelakoken peribadahenna man Dibata, erkiteken bangsa e enggo nggejabken belinna keleng ate Dibata man bangsa e, menaken bangsa e ndarat i Mesir nari seh bengket ku taneh Kanaan. Jadi ibadah ibas kalak Isarel eme pengulangan ntah menghadirken kembali kerna karya keleng ate Dibata si enggo inanamina ibas kegeluhen, emaka ibadah e tuhu – tuhu sebage ungkapen pengataken bujur man Dibata.

• Secara umum lit dua model ibadah : sipemena eme ibadah Devosional ilakoken secara pribadi, emaka bentuk ibadah enda la teriket kubas waktu, tempat ras tata ibadah. Tapi lebih fokus kubas perenungen ras kesadaren diri. Ibadah enda biasana ilakoken ibas bentuk saat teduh, meditasi, rekoleksi, kontemplasi, rsd, si ilakoken secara pribadi ntah ras keluarga. Sipeduaken eme ibadah Liturgis. Pelaksanan ibadah enda lebih menyangkut kubas kebersamaan/persekutuan gia la menghilangken unsur pribadi. Emaka ibas ibadah liturgi umumna lit alur peribadahen siarus i ikuti guna banci ngaturken kebersamaan ibas ibadah e. Alur ibadah e itetapken sue ras situasi kondisi peribadahen e sendiri (iaturken ntah rikitken tradisi gereja).

Mzm 78 : 5 – 8 sijadi bahan oratenta sekali enda encidahken man banta uga pentingna persadaan ras Tuhan, si tetap sue ras konteks kegeluhenta sigenduari. Lit pe piga – piga hal si isingetken oraten PJJ – nta sekali enda man banta eme :

• Mzm enda ncidahken pengalamen kegeluhen bangsa Israel, si ncidahken belinna keleng ate Tuhan nandangi bangsa Israel ibas perdalanen ndarat i Mesir nari, ija ibas kerina perdalanen kegeluhen bangsa e, Dibata nge sitetap menjamini ras sitetap nemani. Alu bage pe Mzm nuriken maka kalak Israel arus nggejapken kuasa ras keleng ate Dibata ibas setiap sendi kegeluhen janah erkiteken sie me maka bangsa Israel la banci melupaken Dibata.

• Ibas kerina pengalamen kegeluhen sibage rupana me, maka kalak Israel la banci lupa, janah kerina sie arus iajarkenna man kerina anak – anakna terus ku kempu – kempuna, gelah alu bage kerina kesusuren kalak Israel meteh maka Dibata me simereken keselamaten man bangsa e ras arus dage tetap ngataken bujur man Dibata.

• Kalak Israel meteh maka ingana ngataken bujur e me Dibata simada kuasa, erkiteken sie me maka kerina pengataken bujur e isehken alu erbakti man Dibata (kebaktin/ibadah) ras erbakti e ilakoken subuk secara bersama bagepe ibas jabu. Janah sieteh pe maka kalak Israel nggeluh kin ibas alam kerohanianna, erkiteken sie me saat kalak Israel erpenggejapen kai pe si jadi ibas kegeluhenna Dibata.

• Alu bage banci si simpulken, kalak Israel memang kalak si nggeluh ibas alam kerohanianna janah tuhu – tuhu nggejapken kerina kegeluhenna Dibata me singaturkenca. Erkiteken sie me maka kalak Israel tetap ngataken bujur man Dibata ibas kai pe, si iungkapkenna ibas ibadahna man Dibata subuk secara bersama – sama ntah pe secara pribadi. Kita pe kalak singgeluh ibas ras persadaan Dibata kap, erkiteken Kristus Yesus enggo nebusi kegeluhenta, emaka patut nge kita ngataken bujur man Dibatanta janah tentu pe ateta tetap i temanina Dibata ibas kerina dampar kegeluhenta. Ibas sie kerina, arus dage sirembakken dirinta kempak Dibata sebagai respon ras bentuk pengataken bujurta man Dibata si ilakoken arah kerina bentuk – bentuk ibadahta (nen pengetin ibadah, devosional & Liturgis).

Tema PJJ – nta “Kebaktian Ibas Jabu” memang tuhu erguna kel si lakoken ibas jabu, piga – piga hal pentingna ngelakoken ibadah (kebaktin) ibas jabu sibanci isingetken kami ijenda eme :

• Ibadah (kebaktin) ibas jabu e erbahanca kita tetap membina hubungennta ras Tuhan seh maka kita pe tetap nggeluh ibas alam kerohanianta.

• Ibadah (kebaktin) ibas jabu sebage sarana ras proses terjadina pertumbuhen kiniteken, nilai – nilai kegeluhen, kepribadian ras prilaku ibas kerina anggota jabu.

• Ibas sisi sideban pe ibadah (kebaktin) ibas jabu pe erfungsi guna mpesikap hubungen keluarga si enggo mungkin banci jadi lit keretaken ntah pe hubungen si lanai harmonis.

• Sitik cataten man banta, bagi isingetken Dr. Andar Ismail ibas bukuna, “Selamat Berbakti” Ibadah (kebaktin) keluarga pe banci mebahayaken, khususna man anak – anak kitik. Bapa ras nande man anak – anak eme personifikasi Dibata ibas kerina kegeluhenna. Emaka adi dikune ibadah e la sue ras teladan si ilakoken bapa ntah nande ibas kerina dampar kegeluhenna, maka banci jadi, bagi gambaren bapa ras nande e me anak – anak menggambarken Dibata, emaka sue lah min kerina perbahanen orang tua ibas kerina dampar kegeluhen, gelah alu bage kai siajarken orang tua man anak – anakna tuhu – tuhu kerina e jadi teladan ibas kegeluhenna.

Selamat ngelakoken ibadah (kebaktin) ibas jabu ras malem me ate jabu singelakonca, sebab ibas jabu sibage me nggeluh kata Dibata erkuasa dingen nggejapken uga belinna ras ulina pengaruh kata Dibata si iajarken ibas jabu nandangi kerina kegeluhen anak – anak.

Amin.
Pekanbaru 19 Sept 2015.