Suplemen PJJ 28 Feb – 5 Mart 2016. “Sikap Ndahiken - Dahin Pelayanen” Efesus 4 : 11 – 16

Suplemen PJJ 28 Feb – 5 Mart 2016.

“Sikap Ndahiken - Dahin Pelayanen”

Efesus 4 : 11 – 16

Pokok Pikiren :

• Enggo sipahami ras – ras, gereja lit erkiteken Dibata si njadikenca, kerina ngawan perpulungen eme juma ras bangunen Dibata, dingen kerina sierdahin gereja Dibata me si milih ras sinetapkenca guna nuan ras niramsa sebab si peturahsa tetap nge Dibata simada gereja (Bd. I Kor 3 : 1 – 9 Bahan PJJ-nta ibas minggu tgl 14 – 21 Feb 2016). Sehubungen ras bahan PJJ-nta si enggo lewat, bahan ras tema PJJ-nta ibas minggu minggu enda Ef 4 : 11 – 16, tetap ningetken ras ngajuk dirinta selaku ngawan perpulungen ras sierdahin gereja Tuhan, gelah tetap “Sikap Ibas Ndahiken – Dahin pelayanen”, sebab alu sikapna kerina pendahin pelayanen si ilaloken ibas pelayanen gereja, tentu sie kerina mereken keriahen man perpulungen bagepe Tuhan tuhu – tuhu ermulia.

 

• Ibas memahami temata “Sikap Ibas Ndahiken – Dahin pelayanen” maka hal dasar sipenting siarus simaknai alu mehuli eme kerna pengertin gereja sebage kula ni Kristus, alu litna pengertin ras pemaknanta kerna gereja alu payo, maka situhuna secara otomatis kita pasti ndahiken dahin pelayanen gereja alu sikap. Paulus menekanken, gereja labo hanya sekedar ingan pulung – pulung saja ntah bagi sada organisasi masyarakat, tapi lebih asangken sie, gereja eme kap kula ni Kristus/”gereja adalah tubuh duniawi dari Tuhan surgawi”(bdk. Ef 4 : 16 ; Ef 1 : 23 ; 5 : 29 ; Kol 1 : 18; 1 Kor 10 : 6). Ibas pengertin gereja eme kula ni kristus/“gereja adalah tubuh duniawi dari Tuhan surgawi”, maka la banci lang, kerina si irakut kubas kula e arus ngergaisa bagepe ndahiken – dahin si lit gereja e alu sikap ras ertanggungjawab. Tentu penungkunenta engkai maka arus si pahami ras simaknai gereja eme kula ni Kristus/”gereja adalah tubuh duniawi dari Tuhan surgawi” ? erkiteken adi la kin si fahami ras si maknai pengertin gereja eme kula ni Kristus/”gereja adalah tubuh duniawi dari Tuhan surgawi”, banci jadi dahin pelayanen gereja siakap bali ras dahin murahen, sibanci idahiken alu main – main, mekarus, muat enggona, maba misi masing – masing ras kurang ertanggungjawab. Sekali nari itegasken maka gereja labo organisasi dunia tapi gereja eme kula ni Kristus/”gereja adalah tubuh duniawi dari Tuhan surgawi” emaka maknailah dahin pelayanen e sebage dahin si endesken Dibata man gerejaNa guna sidahiken.

• Gelar jabaten si isingetken Paulus ibas oraten PJJ-nta enda labo bali ras gelar - gelar jabaten duniawi. Lit pe 5 gelar si isingetken ibas oraten PJJ-nta enda eme Nabi, Rasul, Perberita Si Meriah, Si Mpermakani Perpulungen ras Guru – guru. Gelar – gelar e kerina labo ngerana soal ise simegajangna, ise si lebih hebat, tapi  lebih kubas fungsi ntah pembagian tugas ibas ndahiken – dahin pelayenen gereja sebab tujunna memang kubas sada arah ngenca eme lako majekken kula ni Kristus. Bagi si enggo isingetken i datas me pengarapen Paulus nandangi kegeluhen perpulungen/gereja Efesus, ija perpulungen/gereja e arus memaknai dirina eme kap kula ni Kristus dingen kerina si enggo ipilih ras itetapken Dibata guna jadi sierdahinNa, arus pe memaknai alu payo maka kerina pemere - pemere si isehken Dibata man bana pe hanya ertujun guna majekken kula ni Kristus gelah dingen gelah arah pendahin gereja e kerina reh teridah kemuliaken Dibata situhu - tuhu (Ef 4 :  11).

• Tema PJJ-nta “Sikap Ndahiken - Dahin Pelayanen” tema enda ngajuk ras ningetken man banta gelah sikap kita ndahiken – dahin pelayanen ibas gerejanta subuk secara teknis bagepe ibas kita memaknai dahin gerejanta ras tentu saja “adi sekalak (ngawan ntah serayan Tuhan) payo ia erkeleng ate nandangi gerejana tentu ia ersura – sura ngelakoken dahin – dahin simehuli nandangi gerejana, janah ibas kebalikenna adi sekalak (ngawan perpulungen/si erdahin gereja) la erkeleng ate nandangi gerejana maka uga pe ia labo peduli ras sikap ndahiken dahin pelayanen si lit ibas gereja”. Ibas sie uga dage ninta genduari selaku ngawan ntah serayan ibas gerejanta ? bias nge siendesken saja dahin e man kalak si enggo itentuken guna ndahiken - dahin e ? tentu lang ! kerina kita sibuatlah baginta masing – masing ibas dahin pelayanen si lit ibas gerejanta dingen mari radu ras kita ndahikenca alu kerja sama simehuli, sipedauh kepentingen – kepentingen pribadi ntah pe kepentingen kelompok ibas bentuk kai pe, sebab adi kin kita tetap mementingken kepentingen pribadi pe kelompok, maka la banci lang terulang ka me sejarah gereja bagi si isingetken ibas perdalinen sejarah gereja, ija litna perpecahen dingen perubaten si ncedai kegeluhen gereja. Paulus mujiken perpulungen Efesus alu ngataken sada kap kinitekenta, sada penandaina kerna Kristus ras kita pe enggo  kalak si dewasa, lanai bagi sekalak anak – anak si menukah iombang – ambingken ras ijolah – joleken pengajaren kata perguak, penebu – nebu ras pengajaren kalak penipu. Tentu pengakun sienda ka me si enggo lit ibas kita sebage gereja si enggo mandiri secara teologia daya ras dana (Ef 4 : 13 – 16).

• Tulisen enda la menjelasken man banta uga secara teknis ibas kita ndahiken – dahin Tuhan ibas gerejanta, tapi lebih kubas penyadaren diri uga kita memaknai kerna dahin pelayanen siendesken Tuhan man banta. Emaka sue ras ajaken tema PJJ-ta sekali enda “Sikap Ibas Ndahiken – Dahin Pelayanen”, mari dage sidahikenlah -  dahin kerina pelayanen si lit ibas gerejanta alu sikap meteruk ukur, lemah – lembut, la pergelut, la erpalasken ke-akunta sebab sekalak sindahiken – dahinna epalasken keakuna, maka uga pa pe hasil pendahin e la pernah erbahanca malem ate dingen kalak si enggo dewasa ibas kinitekenna nge maka sikap ulih pendahinna, emaka  erdahinlah alu sikap si lebih dewasa dingen makeken kerina pemere Dibata si isehkenna man banta, alu ukur ersuruh ras sebage jawapennta nandangi pendilo Tuhan. Ibas hasilna, tereteh nge pagi sikap pendahinta ntah lang, tapi yakinlah maka maka kalak sindhiken – dahina alu kedewasanna si serta ibas Kristus ulihna pasti pagi erbahanca malem ate ras Tuhan terpuji.

Pekanbaru 29 Feb 2016. Pdt. Israel H Sembiring.       

Suplemen PJJ 21 – 28 Feb 2016. “Aron Dibata Kap Kita Majekken Kula Ni Kristus” I Kor 3 : 1 – 11

"Aron Dibata Kap Kita Majekken Kula Ni Kristus"

“Aron Dibata Kap Kita Majekken Kula Ni Kristus”

I Kor 3 : 1 – 11

Pokok Pikiren :

• Arus tetap sifahami gereja e sakral, badia ras arus ndauh ibas kesan keduniawian, tapi sayang ibas konteks gereja kontemporer kualitas gereja ibas kesakralenna ras kebadianna enggo mulai i pertanyakan. Gereja si seharusna berbeda ras doni enggo mekatep menam seri cara ras doni, erkiteken gereja pe enggo mekatep lit persaingen ras perubaten, umpamana bersaing kerna jabaten, bersaing paksa pemilihen, bersaing ncidahken yang terbaik dingen persaingen e mekatep peturahken perubaten, ija perubaten e erbahanca lit perpecahen ibas gereja. Aminna gia labo bage kerina gereja, tapi mekatep si begi berita maka lanai malem ateta tupung si begi lit persoalen ibas sada – sada gereja. Ibas kondisi ras situasi sibage rupana, uga dage ninta, kai nge sia rus silakoken, sebage serayan Tuhan ras perpulungen ?

• Guna banci mpetangkas bahan oraten PJJ – nta enda lit piga – piga poin sibanci isingetken ijenda, gelah alu bage banci arah pengajaren Paulus man perpulungen Korintus enda reh ulina ka perdalinen gerejanta alu semangat perubahen si lit ibas dirinta ras gerejanta.

• Perpulungen Korintus eme bekas panteken Paulus (Perb 18 : 1 – 17). Secara konteks perpulungen Korintus eme sada kota si maju, kota metropolitan. Ilmu pendidikanna maju erkiteken litna percampuren budaya, emaka secara intelek penduduk kota e luar biasa ras erkiteken sie ka me maka penduduk kota e lit keangkuhenna secara pemeteh, penduduk kota enda pe bayak dingen kebayaken e mpengaruhi cara kegeluhen ras mengakibatken lit keangkuhen secara materi, janah lebih asangken sie kerina maka kota enda pe i tandai bejat secara moral erkiteken buena kejahaten ras perbahen dosa si turah ibas kota e.

• Konteks Perpulungen kalak kristen. Perpulungen e pantek ibas latar belakang si berbeda, lit si berlatar belakang kalak Jahudi bagepe kalak siberlatar belakang nembah man berhala – berhala, janah ibas jumlah teremen kalak si erlatar belakang kalak sinembah man berhala asangken kalak Jahudi. Bagi isingetken idatas kota enda eme kota si maju ibas bidang ilmu pengetahuan maka ibas perpulungen kalak kristen pe enterem nge si berinteleketual tinggi, sienda me si melatar belakangi litna turah persoalen ibas perpulungen e siterbagi kubas 4 kelompok  eme :

1. Kelompok Paulus nggelari dirina alu kelompok Libertin si menekanken kemerdekaan. Ibas pemahamenna kelompok enda banci ngelakoken kai pe bagi atena ngena, padahal ibas pengajarenna Paulus sendiri menekanken gia enggo lit kemerdekaan si ilakoken kalak e ibas Kristus erkiteken penebusen Kristus i kayu persilang maka la banci lang kalak e arus tetap ndalanken tanggungjawabna ibas ndalanken kewajipen moral.
2. Kelompok Kefas. Menekanken hukum taurat si arus idalanken alu sempurna dingen kelompok enda me si bertentangen ras kelompok Paulus erkiteken kelompok enda sendiri buen ibas kesusuren kalak Jahudi nari.
3. Kelompok Apolos eme kelompok si sangat tertarik nandangi pengajaren Apolos. (Apolos sendiri eme kalak kaak Jahudi i Alexandria nari, ia sekalak si hebat erfilsafat ras menafsirken kitab suci alu pandangen fisafat Yunani klasik Perb 18 : 24 – 28).
4. Kelompok Kristus, si menganggap dirina lebih asangken kerina kelompok si lit, janah lebih menekanken hubungen ras Kristus secara pribadi, bali ras pengalamenna ibas ersembah man dewa – dewa.

• Ibas persoalen si enda me Paulus nehken pengajarenna nandangi kalak Korintus, alu negasken maka kegeluhen perpulungen e ibangun ibas palas sisada dingen la lit palas sideban eme Jesus Kristus, ertina Paulus menjelasken maka perpulungen e pantek labo epalasken kebeluhenna, Apolos ntah  Kefas (I Kor 1 : 18 – 25 ; 3 ; 11 ; 15 : 3 – 7).

• Ibas oraten PJJ-nta enda pengajaren  si isehken Paulus ibas I Korintus 3 : 1 – 11 enda eme ngerana kerna persinget ras pengajaren si isehken Paulus man perpulungen Korintus ibas ndungi persoalen – persoalen si lit ibas perpulungen e (Perb 18 : 11 ; I Kor 1 : 10 – 31). Bageppe pembelaan si isehken Paulus kerna dirina.  Pembelaan si iesehken Paulus pe memang labo la beralasen, erkiteken memang  lit tuduhen si iarahken man Paulus, maka Paulus kurang beluh nuri – nuri kata Dibata alu mehuli. Ibas pembelanna i jenda Paulus ngataken maka, labo ia si la beluh nuriken kerna kata Dibata tapi perpulungen kalak Korintus nge si la ngasup megiken pengajaren si isehken Paulus, erkiteken cara berpikir dingen cara nggeluh perpulungen e nge bagi kalak si nggeluh ibas biak doni denga (Bd. I Kor 2 : 12 ; Roma 7 : 14 ; 8 : 9 ; Gal 3 : 2 – 3 ; 5 : 16 ; Tit 3 : 5 – 7), eme si iaksudken Paulus alu ngataken “O senina – seninaku sanga sie, aku labo banci ngerana man bandu bagi alak si enggo dewasa kegeluhen pertendinna. Aku arus ngerana man bandu bagi kalak si nggeluh rikutken biak doni, man kalak si medanak denga kinitekenna man Kristus. La banci lang susu ku bereken inemenndu, labo nakan keras kuberejen man bandu, sebab lenga kam ngasup ngalokenca, sebab kam nggeluh rikutken biak doni denga. Adi si cian – cianen kam janah turah perubaten i tengah – tengahndu, ma kin enda biak doni, ma kin perbahanenndu e bali ka ras kalak si deban ? “ (I Kor 3 : 1 – 3). Aminna gia Paulus mereken pembelaan kerna dirina alu mandang kalak Korintus bagi anak – anak denga dingen nggeluh ibas biak doni eme alu si cian – cianen, tapi Paulus tetap mujiken perpulungen e ibas persadanna ras Kristus dingen igelarina pe senina – seninana(bd. Heb 5 : 11 ; Rom 13 : 13 ; II Kor 12 : 20 ; Gal 5 : 20 ;  Yak 3 : 14 – 15). Poin si enda pe situhuna cukup penting siperdiateken adi kin ateta membagun kegeluhen gereja alu mehuli, ertina Paulus ngangkai kelebihen ras kekurangenna kegeluhen perpulungen e, emaka kesalahen si lit ibas perpulungen e la ipersoalken Paulus ntah erbahanca nembeh ate Paulus, tapi tetap icidahkenna atena keleng nandangi perpulungen e, ija teridah arah Paulus ngelebuh perpulungen alu sada alu gelar si mengiket dirina ras perpulungen e, eme alu pendilo si membangun kiniersadaan alu gelar senina – senina.

• Paulus tetap ncidahken keleng atena man perpulungen e alu mereken penjelasen kerna persoalen siturah si mbandingken dirina ras kelompok si lit. Sebab sikap perpulungen sibage rupana tentu banci perubatken pelayan gereja, emaka ibas penjelasenna Paulus ngataken, kerina si erdahin Tuhan arus i ergai ibas kerina kelebihen ras kekurangenna  alu ngataken “Adi lit singatakenca aku arah Paulus janah adi lit ka singatakenca aku arah Apolos, ma lalit kelebihenndu asa manusia sideban” (ay. 4). Ibas sikap perpulungen Korintus si mereken penilaian man pelayan gereja. Paulus la ermeriah ukur, emaka Paulus emka ibsa sie nina man kalak si mbela ia maka perbahanenna e la mehuli, ertina Paulus la ermeriah ukur adi ibahan perbandingen – perbandingen si ibahan perpulungen ibassa Paulus sendiri ndatken sanjungen, janah malem tuhu ate erkiteken Paulus sendiri la nggit memanfaatken dukungen guna mpehaga dirina, eme si imaksudken Paulus alu ngataken “ise kin Apolos ? ise kin Paulus ? kami enda pelayan Dibata kap ngenca, si negu – negu kam gelah erkiniteken. Sekalak – sekalak kami ndahiken – dahin rikutken si ibereken Tuhan man kami” (ay. 5).Tentu persinget Paulus enda pe jadi pelajaren man banta, maka la banci lang perpulungen ras pelayan gereja arus lebih megermet/metenget nandangi kai si ilakokenna, ula min lit sikap  membanding – bandingken pelayan gereja sebab kerina nge pelayan gereja memiliki kelebihen ras kekurangen, janah tentu ka pe pelayan gereja arus menyadari sie dingen la makeken kesempaten si lit guna mpehagaken dirina adi kin pe melala si erngena ate man bana guna kepentingen pribadina, tapi kerina e ipakekennalah guna mpegegehi pelayanen guna majekken kula ni Kristus lebih mehuli.

• Malem memang ate adi kita nggit erlajar arah jiwa, karakter ras cara pelayanen Paulus. Sebab arah nggit erlajar tentu pe pasti lit perubahen pelayanen gereja si lebih mehuli asa si enggona. Nehenlah Paulus si la bermegah diri ibas kai si enggo ilakokenna, tapi igejapna maka kerina si ilakokenna e hanya guna kemulian Dibata, aku ngataken “Aku nuanca, Apolos niramsa, tapi Dibata sierbahanca turah. Si nuanca ras si niramsa labo penting, tapi si penting eme Dibata sebab Ia nge si peturahsa” (ay. 6 – 7). Jenari Paulus pe mperjelas maka ia ras Apolos sada aron kap ibas ndahiken dahin e, ertina Paulus lebih menekanken sifat kerja sama ras kebersamaan sebab tujun kerina pendahin e memang labo man bana tapi tetap guna kemulian Dibata, alu ngataken “sinuanca ras siniramsa sada aron kap, tapi sekalak – sekalak ibereken Dibata me upahna rikuten pendahinna sekalak – sekalak. Sabab kami sada aron kap ndahiken dahin Dibata janah kam me jumana” (ay. 8). Mehuli kel pengajaren si isehken Paulus ibas ayat enda erkiteken Paulus ncidahken dirina labo sekalak si nggit peganjangken bana tapi tetap meteruk rukur. Paulus la ter-aku – aku sebab ietehna maka ia sekalak persuruhen Dibata nge ngenca, sekalak juak – juak si la banci lang ndahien – dahin Tuhan alu mehuli dingen sebage tanda kepatuhenna man Tuhan ibas pendilo si enggo ialokenna kenca perjumpanna ras Kristus. Sebagai bahan koreksi nandangi perpulungen ras pelayan gereja tentu kai si isingetken Paulus ibas ayat enda banci ningeti kita ibas masanta sigenduari.

• Ibas pengajarenna seterusna Paulus ningetken man perpulungen Korintus status ras palas perpulungen ibangun ibas palas Kristus, alungataken “Kam pe bangunen Dibata kap, rikutken pemere si ibereken Dibata man bangku, enggo kupajekken palas bangunen e selaku pande si beluh, jenari kalak si deban mbagunsa i babo palas e, tapi sekalak – sekalak arus ia metenget kuga ia mbagunca, sebab lalit palas sideban si banci ipajekken seakatan palas si enggo pajek e, eme Jesus Krsitus” (Ay. 9b – 11). Perkataan Paulus enda ngatakenca maka ia hanya sebage perancang (arsitek) nandangi perpulungen e. Tapi amin bage gia maka Paulus pe tetap ngataken ia pe lalap nge ertanggungjawab nandangi kai si jadi ibas perpulungen e, erkiteken ibas paksa sie Paulu meteh maka lit piga – piga kalak si atena merombak kerna palas perpulungen e alu pemeteh doni (bd. Ikor 1 : 23 ; II Kor 11 : 4 ; Gal 1 : 6 – 7) ras Paulus sendiri tegas menolak sura – sura kalak e  alu ngataken “... sekalak – sekalak arus ia metenget kuga ia mbagunca, sebab lalit palas sideban si banci ipajekken seakatan palas si enggo pajek e, eme Jesus Krsitus”. Tentu sikap tanggungjawab, kepedulian ras kinitengeten Paulus enda pe banci jadi persinget ras pelajaren man banta gelah kula ni Kristus si enggo pajek genduari enda tetap mehuli perdalanenna ula si cedai alu kepentingen si sifatna hanya sesaat ntah guna kepentingen diri sendiri tapi marilah radu ras kita muat tanggungjawabta dingen sitingkatken kepedulianta man gerejanta gelah ula medoni.

• Enggo si idah jiwa Paulus ibas ia nehken pelayanenna, nehken pengajaren si arus isehkenna ras kesetiaanna menghambaken diri man Kristus, bagepe si jadi orentasi siterpenting man bana eme majekken kula ni Kristus gelah arah e teridah kemulian Dibata. Selaku warga gereja ras serayan Tuhan uga nge ninta, tuhu nge keleng ateta gerejanta ? tentu sijawab tuhu keleng ateta gerejanta ras adi tuhu ateta keleng nandangi gerejanta, mari dage ras – ras kita ndahiken – dahin pelayanen si lit ibas gerejanta, lanai bo perlu kita saling membanggaken diri ibas bentuk kai pe, tapi marilah sibuat taggungjawabta ibas kerina pemere si isehken Dibata man banta pribadi – lepas pribadi ras di kune lit la siangakaan bersikap positiflah bagi Paulus menanggapi alu positif kerina persoalen si lit ibas perpulungen Korintus.

• Mari situmbuh kembangken jiwa pengabdinta selaku suruh – suruhen Tuhan alu jiwa situlus ibas melayani, sedia erkorban ibas waktu, pikiren, tenaga bagepe ras materi. Gerejanta nai – nai nari enggo sikap kerina pelayanenna mari situmbuh kembangen tole arah pengertin ras penggejapen simbaru rikutken oraten PJJ-nta sendah enda alu ersada arih ras si sampat – sampaten bagi sada aron si bekerja sama ibas ndahiken – dahinNa ras ingetlah maka gereja arus tetap bersifat sakral ras badia dingen kel ula babai medoni, selamat majekken kula ni Kristus.

Amin. Pekanbaru 19 Feb 2016. Pdt. Israel H Sembiring.

GEREJA YANG BERDIAKONIA ?

GEREJA YANG BERDIAKONIA ?

(Tulisan ini lahir dari kongkow di warung kopi dan saya pikir ada baiknya dituliskan

 mana tau ada sebab akibat yang diakibatkan setelah tulisan ini dibaca 

oleh yang berminat … hehehe … selamat membaca)

Di dalam konsep Diakonia, gereja seharusnya lebih melibatkan diri dalam bentuk pelayanan kasih kepada dan untuk kesejahteraan manusia yang diwujudnyatakan melalui tindakan nyata, dengan melakukan pembebasan terutama bagi mereka yang miskin dan tertindas sebagai wujud nyata kepatuhannya kepada firman dan cinta terhadap  sesama manusia.

Dan memang sudah seharusnyalah gereja mengambil sikap dalam menyikapi masalah – masalah sosial masyarkat (jasmani) umpamanya peduli kepada orang yang tidak cukup makan – minum, peduli kepada yang tidak dapat membayar biaya kesehatan, kepada yang tidak dapat membayar biaya pendidikan anak-anak mereka, atau menciptakan lapangan kerja bagi mereka yang tidak memilki pekerjaan, dsb.

Oleh itu adalah sangat baik jika gereja lebih menggiatkan pelayanan diakonianya serta berlahan – lahan mengurangi pengeluaranya yang hanya sebatas pesta kemeriahan gerejawi yang hanya bersifat sementara, menghabiskan dana yang cukup banyak dan mulailah meninggalkan cara pelayanan diakonia yang hanya sebatas pelayanan seremonial. Gereja haruslah membuka matanya lebih lebar untuk melihat bahwa masih banyak anggota jemaatnya yang hidup di dalam kemiskinan, yang tidak memiliki harta benda, hidup serba kekurangan oleh karena rendahnya penghasilan mereka untuk mencukupi keperluannya.

Gereja adalah manifestasi keberadaan Allah di dunia artinya selain melakukan persekutuan untuk memuliakan Tuhan Allah, gereja juga adalah sebagai perpanjangan tangan Tuhan Allah untuk mewujudkan tujuanNya untuk datang kedua dunia yaitu melakukan pelayanan kemanusian sampai Ia datang kedua kali. Dalam Lukas 4 : 14 – 21 jelas sekali tanpa penafsiran yang rumit, kita mengetahui Yesus berbicara tentang kehidupan jasmani manusia, ketika Ia mengatakan ; “Roh Tuhan ada pada-Ku oleh sebab Ia telah mengurapi Aku untuk menyampaikan kabar baik kepada orang-orang miskin ; dan Ia telah mengutus Aku untuk memberitakan pembebasan kepada orang-orang tawanan, dan penglihatan bagi orang-orang buta, untuk membebaskan orang-orang yang tertindas, untuk memberitakan tahun rahmat Tuhan telah datang”. Bukan kah perkataan Yesus ini seharusnya teraplikasi dengan baik di dalam kehidupan gereja dan bukankah seharusnya gereja lebih  mengedepankan pelayanan tersebut serta menyelesaikan masalah – masalah jasmani kehidupan manusia tersebut ?

Secara harafiah, Diakonia dalam bahasa Ibrani disebut dengan “syeret” yang berarti memberikan pertolongan atau pelayanan. Dalam terjemahan bahasa Yunani, kata diakonia disebutkan diakonia (pelayanan), diakonein (melayani), dan diakonos (pelayan). Dan secara luas pada zaman Perjanjian Baru diartikan menyiapkan makanan sebagai korban kepada dewa-dewi  dan pada masa itu kata ini memang tidak memiliki arti yang “terhormat” karena digunakan hanya untuk para pelayan dan para hamba namun pada perkembangannya diakonia lebih diartikan melayani dalam arti umum untuk melayani kebutuhan jemaat.

Dalam praktek pelayanannya gereja memang telah melakukan pelayanan diakoninya yang di kenal dengan Diakonia karitatif  yaitu pelayanan diakonia dengan pelaksanaan memberi langsung kepada mereka yang membutuhkan dan lebih bersifat tanggap – darurat, dan dalam sisi baiknya diakonia ini dibutuhkan dalam pelayanan tertentu. Dalam perjalan waktu pelayanan diakonia mengalami pererkembangan pemahaman yang disebut dengan Diakonia Reformatif  sifat dari pelayanan diakonia sebenarnya masih hampir sama dengan diakonia karikatif oleh karena pelayanan diakonia reformatif ini pun tidak merubah pondasi dasar pelayanan diakoni karena tetap saja dilakukan atas dasar belas kasihan. Akhir – akhir ini istilah diakonia kemudian lebih berkembang dengan sebutan diakonia transformatif dalam pengertiannya sifat dari pelayanan ini lebih mendekati dengan apa yang dimaksudkan Yesus dalam Luk 4 : 14 – 21. Bukankah itu yang dimaksudkan Allah ketika ketika kita merujuk kembali ke PL ketika Tuhan Allah melepaskan bangsa Israel dari penindasan di Mesir dan menempatkan bangsa Israel di Tanah Kanaan yang sangat subur atau yang dimaksudkan Yesus ketika Ia berkata dalam mat 6 : 25 – 34 dimana Yesus menginginkan agar seluruh umat manusia terlepas dari rasa khawatirnya setiap saat (hari) tentang apa yang akan dia makan dan minum serta apa yang akan ia pakai ?

Lalu kapankah diakonia transformatif itu dapat terrealisasi dengan baik dan benar ? hal itu kembali tergantung kepada gerejanya. Jika gereja hanya masih ingin menghibur dirinya, menyibukkan diri dengan kesenangannya sendiri, maka hal tersebut akan sulit tercapai, terlebih – lebih jika mimbar gereja tidak lagi dipakai bagaimana seharusnya dalam mengkomunikasikan firman Allah dengan maksud Allah yang sesungguhnya.

Gereja seharusnya sadar dengan pemahaman teologinya dan memang harus membuka mata lebih lebar, melihat bahwa di dalam jemaatnya atau di kehidupan sosial masyarakat yaitu peduli kepada orang miskin yang tetap miskin dari dulu bahkan menjadi jemaat yang warisan jemaat yang miskin turun – temurun ? Johanes Calvin pernah berkata firman tidak hanya boleh berada diatas mimbar atau dengan kata lain diakonia tidaklah hanya boleh sekedar berada di altar, namun firman harus menyentuh kehidupan manusia dalam pelayanan gereja, sehingga firman tidak lagi hanya sebatas pemuasan nafsu kerohanian belaka. Haruskah nantinya gereja nmendapat kritikan dari Yesus sama seperti Yesus mengkritik orang farisi pada zamanNya yang hanya mementingkan aspek kerohanian tapi tidak mempraktekkan kasih kepada sesamanya.

Gereja adalah manifestasi keberadaan Allah dan gereja adalah refrensentasi tubuh Kristus yang merasakan penderitaan orng lain dan harus menjadi perpanjangan tangan Tuhan Allah untuk mewujudkan tujuan Tuhan Allah berada di dunia untuk melakukan pelayanan kemanusian dan jika gereja masih tidak meyadari itu maka sia – sialah ia sebagai gereja.

Pekanbaru 16 Feb 2016.  Pdt. Israel H Sembiring.

Suplemen PJJ GBKP 14 – 20 Feb 2016. “Undang – Undang Guna Kiniraturen” Ul 6 : 1 – 3 ; I Kor 14 : 33

“Undang – Undang Guna Kiniraturen”
Ulangen 6 : 1 – 3 ; I Kor 14 : 33

Pokok Pikiren :

• Bahan PJJ-nta sekali enda membahas dua konteks si berbeda ras sekaligus jadi perenungenta ibas sura – suranta mplimbarui kegeluhen secara pribadi gelah geluhta lebih tertata alu mehuli dingen banci pe si praktekken ibas kegeluhenta si tep – tep wari ras ibas kegeluhenta selaku warga gereja. Penting ras mbageslah sigar – gari tema ras bahan oraten PJJ-nta sekali enda, erkiteken ibas kinata kegeluhen si genduari enterem kel kalak lanai beluh menata kegeluhenna alu mehuli, hal sie banci si idah ibas praktek kegeluhen sehari – hari, umpamana : lit kalak si lanai ngasup ngatur waktu alu mehuli ibas sie lanai ietehna katawari ia harus tunduh ras katawari ia arus medak – ntah pe katawari erdahin katawari ngadi. Lit ka pe si idah kalak si merincuh melanggar kerina aturen si berlaku dingen peraturenna ngenca iakapna berlaku  contohna : enggo pe ikataken wajib pake helm maka labo i make helm, emaka umumna kalak si bage ibas traffic ligth pe labo i patuhina erkiteken iakapna kin ia beluhen ngaturken keselamatenna asangken peraturen si lit. Lit ka pe si idah kalak si la meteh peraturen (meteh orat) ras biasana kalak si bage labo nggedang kel perukrenna emaka erkai pe ate – ateina saja nge ibahanna kalak sibage umumna per kugerejana pe pasti ate – atena sebab iakapna enggo kin ia ulin ntah beluhen asangken kalak sideban ras melala denga si banci si daftarken kerna kalak si la teratur kegeluhenna ras si la nggit nggeluh ibas peraturen si lit, tapi amin bage gia malem ate maka enterem ka pe si idah kalak si nggit nggeluh alu mehuli ras mematuhi aturen – aturen si lit dingen banci jadi pe itetapkenna aturen si berlaku man dirina secara pribadi si arus i patuhina guna kiniraturen kegeluhenna ras kalak sibage umumna eme kalak displin ras dem alu pengertin ras kebijaksanaan dingen kalak sibage me si katawari paksa pe ertedeh ate nandangi kata Tuhan ras njadiken kata Tuhan jadi ikuten ibas kegeluhenna bagi nina Daud ibas Mazmurna “kataNdu kap tendang man naheku nerangi dalan si kudalani” (Mzm 119 : 105).

• Bahan oratenta Ulangen 6 enda eme pidato Musa man kalak Israel i dataren Moab i seberang sungai Yordan ope denga bangsa Israel bengket ku taneh Kanaan dingen ope denga Musa mate. Ibas Pidatona enda me Musa mengulangi ras meneguhken kerna perpadanen  bangsa Isral dingen mereken perentah guna ndakanken kerina undang – undang (taurat) si arus i patuhi bangsa Israel (bd. Ul 4 : 21 – 22).

• Piga – piga ahli PL pe rusur nggelari kitab enda alu kitab “Naskah Perjanjian” erkiteken isi kitab enda memang ningetken gelah bangsa Israel tuhu – tuhu netapken ukurna“er-komitmen” guna ersembah man Tuhan saja (monoteistis) ras mewujudken keterpilihenna selaku bangsa pilihen Dibata alu ncidahken kepatuhenna ibas ndalanken kerina undang – undang si ipeseh Dibata ope denga bangsa Israel mengketi taneh Kanaan, dingen la banci lang bangsa Israel memang arus tutus ersembah ras ndalanken kerina undang – undang si isehken Dibata man bana erkiteken bangsa Israel memang enggo i iket (ter- iket) kubas perpadanenna ras Dibata menaken ibas nini – nini bangsa e si arah lebe.

• Piga – piga hal si banci si idah arah Ulangen 6 : 1 – 3 si jadi oraten PJJ-nta sekali enda eme :

1. Musa ndilo kerina kalak Israel guna megiken ngulihi undang – undang (taurat) si menjadi dasar kegeluhen kalak Israel, ningetken mulihi kerna karya keselamaten si enggo isehken Dibata bangsa e ras sekaligus jadi perentah si arus i dalanken ibas kerina dampar kegeluhen bangsa Israel. Undang – undang ras perentah si imaksudken Musa i jenda eme maka kerina undang – undang ras perentah e jadi sada ketetapen si itetapken Dibata ras jadi aturen dasar si la banci lang i ikutken bangsa Israel sebab perentah e labo ibas Musa nari ntah keinginen Musa sebage pemimpin bangsa Israel. Sifat pidato Musa enda pe sebage peneguhen mulihi kerna hubungen bangsa Israel ras Dibata sebab ibas undang – undang e sendiri ibassa lit padan ras pasu – pasu Dibata adi i ikutken bangsa Israel alu mehuli (ay 1 ; “Enda me kerina undang – undang si ierentahken Tuhan Dibatandu man bangku, gelah kuajarken man bandu. Ikutkenlah kerina undang – undang e, ibas negeri si nandangi i inganindu”).
2. Sifat undang – undang eme perentah si arus ilakoken bangsa Israel dingen berlaku seumur hidup ertina peraturen e la memiliki batas waktu dingen wajip pe iterusken ras iajarken man kerina kesusuren kalak Israel (ay. 2 “Kidekah geluhndu arus maka kam ras sinusurndu erkemalangen man Tuhan Dibatandu, dingen ngikutken undang undangNa si kubereken man bandu gelah gedang umurndu ibas negeri e” bd. Ul 6 : 7 “Ajarkenlah e man anak – anakndu, persingetilah rusur, subuk sanga kam i rumah, ntah sanga kam ibas perdalanen, subuk sanga kam ngadi – ngadi ntah pe sanga kam erdahin”).
3. Lit pe tujun utama undang – undang si jadi perentah si arus i ikutken bangsa Israel eme gelah bangsa e memiliki ciri khas sebage bangsa si itandai erkemalangen man Tuhan Dibata (JHWH) dingen ncidahken kemulian Tuhan man kerina bangsa – bangsa eme arah kegeluhen si badia ras dem alu kiniraturen (bd. Ul 4 : 1 – 10 ; 5 : 31).
4. Ibas ayat 3 Musa ningetken man bangsa Israel alu ngataken “O bangsa Israel , begiken ras ikutkenlah undang – undang e ! adi bage mejuah – juah ras jadi bangsa si mbelin me kam, janah ngiani taneh si mehumur e, sue ras si enggo i padanken Tuhan Dibata nu nini – ninita”. Perkatan Musa enda ncidahken maka Dibata tuhu erkeleng ate man bangsa Israel  dingen tetap nginget perpadanenNa menaken Dibata ngiket diriNa ras nini – nini kalak Israel (bd. Kej 17 : 7).
5. Enda me aturen dasar (undang – undang) si isehken Musa si arus i patuhi ras ilakoken bangsa Israel dingen arah kepatuhen ngikutken kerina undang – undang e me maka Bangsa Israel banci ngenanami kegeluhen si mehuli alu ndatken pasu – pasu ibas Dibata nari.

• Adi ibas Ulangen 6 : 1 – 3 isiingetken kerna kegeluhen bangsa Israel iarus ngikutken kerina undang – undang si isehken Dibata guna kiniraturen kegeluhen bangsa e selaku bangsa pilihen Tuhan maka ibas konteks kegeluhen perpulungen Korintus  isingetken kerna situasi kegeluhen perpulungen Korintus si lit ibas keadaan “kacau” (kekacaun ibas kegeluhen peribadahen man Tuhan). Sumber kekacauan e erkiteken lit persoalen pemahamen si salah kerna cakap kesah (bahasa roh) ibas perpulungen, si erbahanca perpulungen e lanai siangkaan ija lit kalak si erpengakap ia paling rohani, merasa diri paling benar, menilai kesalahen kalak alu ukuren si lit ibas ia, saling menghakimi, saling bersaing ras lit pe kalak si nggeluh alu erate – ate (I Kor 14 : 1 – 40). Emaka guna kiniraturen kegeluhen perpulungen e Paulus ningetken aturen – aturen si banci jadi pedoman guna banci perdalanen kegeluhen perpulungen e lebih mehuli alu ngataken “Sebab Dibata labo Dibata kinilaraturen, tapi Dibata kiniraturen, bali ras ibas kerina – perpulungen si enggo i khususken jadi sikerajangen Dibata” (I Kor 14 : 33).

• Tema PJJ-nta “Undang – Undang Guna Kiniraturen”. Bagi si isingetken idatas erpalasken Ul 6 : 1 – 3 maka kerina undang – undang ras perentah si isehken Dibata man bangsa Israel gunana eme gelah bangsa Israel tetap njagai hubungenna alu mehuli ras Dibata sebage tanda bangsa e memiliki hubungen si khusus ras Dibata dingen erkiteken hubungen si khusus e me maka ibas kegeluhen bangsa Israel arus lit aturen sikhusus (taurat) si erbahanca hubungen bangsa Israel ras Dibata tetap mehuli. Tapi kedungenna sejarah Alkitab mencatat kedungenna kalak Israel njadiken undang – undang e jadi sada aturen si mengikat praktek ras memberatken kegeluhen kalak Israel alu njadiken undang – undang e jadi dasar hukum guna menghakimi kesalahen. Kerna kesalahen pemahamen kalak Israel e me maka Yesus ngerana kerna undang – undang taurat alu ngataken “Ia labo reh guna ncedai undang – undang si ibereken Musa ras si iajarken nabi – nabi. Aku reh labo ncedai, tapi nehken si enggo isuratkenna” (Mat 5 : 7). Sedalanen ras kai si imaksudken Yesus, rasul Paulus pe ngataken maka kerina undng – undang taurat enggo jadi sada baban si mberat ibas kegeluhen ergama ras adi undang – undang taurat kin ijadiken sebage dasar guna ngerembakken diri kempak Dibata maka kalak sibage mpesirangken bana ras lias ate Krsitus. Ertina paulus ngataken maka undang – undang taurat si lit  hanyalah sebage undang – undang siningetken kerna  aturen kegeluhen kalak si ersada Tuhan ras guna ndatken keselamaten tetap erkiteken arah lias ate Tuhan Yesus Kristus (Bd. Gal 5 : 1 – 15).

• Ibas kegeluhenta secara pribadi bagepe ibas kegeluhen gereja, mekatep lit jadi kinilaraturen erkiteken kesalah pahamen nandangi kata Dibata ras undang – undang si itetapken gereja guna mengatur/menata kegeluhen gereja gelah mehuli. Ertina banci jadi memang lit terjadi bagi praktek ahli taurat si memberlakuken undang – undang sebagai hukum si harus i patuhi secara baku ras mengikat alu la ngenehen esensi undang – undang e arah maksud ras tujuanna guna kegeluhen si lebih mehuli ras kiniulin kegeluhen pelayanen gereja bagi si terjadi ibas kegeluhen kalak Korintus ija perpulungen saling menonjolken kehebaten masing – masing seh maka terjadi kekacauan si ncedai kegeluhen kebersamaan perpulungen e ibas Tuhan.

• Undang – undang ibahan guna kiniraturen bageme ibas praktek kegeluhenta secara pribadi ras kegeluhen gereja, maka kita pasti jumpa ras berhadapen ras peraturen – peraturen si harus sipedomani gelah lit ketertipen. Sebage kalak Kristen tentu kita lebih menyadari maka undang – undang (kata Dibata) erguna kel guna banci ngaturken kegeluhenta gelah lebih ratur. Ibas si enda uga ninta sue ras sura – sura gerejanta maka ku lebe enda kerina ngawan perpulungen GBKP lebih er-komitmen nggeluh ibas Tuhan, enggo nge si bereken dirinta nggeluh iteruh undang – undang Tuhan dingen si jadiken sebage aturen si mengiket kegeluhenta ?, sebage Mamre/Moria enggo nge kita matuhi aturen si lit ibas rumah tanggata seh maka kegeluhen rumah tanggata erdalan alu mehuli bagi si iarapken Tuhan ? ras sebage warga gereja enggo nge si patuhi kerina aturen si lit ibas gerejanta gelah kerina perdalinen kegeluhen pelayanen gerejanta banci erdalan alu mehuli ? kerna sienda kerina mari si renungken sue ras penjelasen oraten PJJ-nta sekali enda.

• Tema PJJ-nta “Undang – Undang Guna Kiniraturen” ertujun ningetken ntah mereken penyadaren man banta selaku anak – anak Tuhan kerna pentingna keteraturen kegeluhen ibas kai pe dingen melala memang aturen harus si dalani ras sipatuhi ibas kegeluhenta subuk e ibas Tuhan nari ntah ibas kegeluhenta ibas doni enda mari si dalani kerina e alu kesadaren si penuh, ula alu pusuh si jungut – jungut ntah pe si terpaksa ntah sebage beban, tapi dalankenlah sue ras biakta selaku mahluk si rukur ras mulia.

 Pekanbaru. 12 Feb 2016. Pdt. Israel HS Milala.

Suplemen PJJ 07 – 13 Feb 2016. “Penandaiku Nandangi Kristus Mplimbarui Geluhku” Filip 3 : 1 – 10.

“Penandaiku Nandangi Kristus Mplimbarui Geluhku”

Filip 3 : 1 – 10.

Pokok Pikiren :

• Sekalak Penulis Amerika Serikat sitergelar Phil Crosby (1926 – 2001) ngataken : “Siapapun yang lambat berubah, biasanya takut menghadapi hal-hal baru”, maksud penulis enda ngataken maka sifat perubahen e membutuhken kesadaren mental ras harus memiliki kemampuan beradaptasi nandangi perubahen e sendiri.

• Gerejanta ibas 5 tahun ku lebe enda mengharapken maka lit perubahen ibas kerina kegeluhen ngawan perpulungenna eme alu nggeluh lebih setia ibas Tuhan, guna sie tentu sangat ibutuhken pembaharuan ibas kerina hal terlebih ibas nggeluh sebage kalak sierkiniteken. Apakah kita nggit mentranformasi kerina kegeluhenta kuarah si lebih baik, tentuna e tergantung kubas dirinta nggit ntah lang guna berubah ras adi nggit berubah maka tentu perubahen e iarapken bersifat langsung dingen mampu beradaptasi nandangi perubahen e gia melala tantangenna.

• Paulus ibas oraten PJJ-nta sekali enda ngerana kerna dirina, si enggo mengalami perubahen kenca ia nandai Yesus ras memulai hal – hal baru ibas kegeluhenna. Ibas kesempaten enda lit 4 batang belin si banci ituriken kami ijenda kerna perubahen si lit ibas diri Paulus ras tentu si 4 hal sienda kam me si sekaligus jadi perenungenta guna menuju perubahen dirinta, eme :
  1. Paulus mereken pengakunna kenca ndatken kegeluhen simbaru ibas perjumpanna ras Yesus ras pe nuriken visi ras misina kenca ndatken kegeluhen si mbaru eme alu ndalani kegeluhen alu ngusih kerina kegeluhen Kristus. Emaka ibas oratenta enda teridah kel Paulus la erngena ate nandangi kegeluhen si la ibas Kristus. Paulus mereken apologetna dingen membalikken kerina nilai – nilai si iakap kalak Jahudi sebage kebenaren situhu – tuhu bagepe ibas pengakpna ndube ope lenga jumpa ras Yesus, eme kerna meteh kerna undang – undang torat. Paulus nuriken maka cara nggeluh si hanya ndalanken undang – undang e la obahna bagi adat si teridah ngenca erkiteken la seh kubas cara kegeluhen bagi kai siniarapken Tuhan. Ibas sie Paulus ngataken maka cara kegeluhen si bage enggo jadi sada kerugin man bana ras adi mbarenda e iakapna jadi sada kemegahen man bana enggo ianggapna sebage sampah. Alu bage i jenda si idah maka arah pengakun Paulus kerna dirina sie encidahken maka Paulus tuhu – tuhu mengalami perubahen sicukup revolusioner, berubah alu cepat dingen lanai sitik pe mengkoleksi cara – cara kegeluhen si ianggapna ndube jadi kemegahen (ay. 7 – 8).
  2. Paulus meteh maka ibas perubahen kegeluhena, maka ia tetap memiliki tantangen subuk e ibas dirina nari bagepe ibas darat nari terlebih – lebih kalak Jahudi si lanai erngena ate man bana, e me maka nina Paulus perlu tetap metenget. Metenget ibas tantangen si lit si imaksudken Paulus ibas oratenta enda eme nandangi kalak si tetap ndalanken undang – undang sunat ras siernalem nandangi adat – adat siteridah dingen kalak sibage ikataken Paulus ijenda bali ras biang. Ungkapen Paulus alu make kata ‘biang” ijenda, ncidahken maka Paulus tuhu – tuhu enggo ernembeh ate kel nandangi kalak si nggeluh ibas kepalsuan rohani (ay. 2 – 4). Sebage cataten kerna “biang” si imaksudken Paulus ijenda eme nandangi kalak sitetap ersura – sura ncedai kegeluhen kalak si enggo tek man Kristus. Ungkapen Paulus enda situhuna cukup keras man kalak e erkiteken Paulus enggo menyamaken drajat kalak siersura – sura ncedai kegeluhen gereja alu kata “biang” sebab “biang” Ibas kalak Israel memang biang binatang si najis, pangganna bangke (Mzm68 : 24) ras memang ianggap najis rikutken hukum agama kalak Jahudi (Kel 22 : 30 ; bd. Mat 7 : 6 ; Why 22 : 15).
  3. Perubahen ibas diri Paulus tuhu mengubah dirina eme ibas ia ngataken maka ia lanai ermegah nandangi si enggo pernah icapaina ibas kegeluhenna. Paulus meteh ia kalak si mehaga ibas kegeluhenna, sebab ietehna ia keturunen Jahudi, suku Benyamin asli, nggeluh ibas aturen undang – undang kalak Jahudi si isunatken ibas wari si pe waluhken ras meteh kerna undang – undang torat. Tapi sie kerina lanai jadi kemegahen man bana dingen mengkonfrontasi kemegahen e ibas dirina seh maka kerina e iakapna lanai jadi sada kebanggaan ibandingkenna ras keleng ate si enggo ialokenna ibas Kristus nari (ay 4 – 5).
  4. Tentu Perubahen ibas diri Paulus jadi erkiteken ia terus nandai dirina i lebe – lebe Kristus ras eme si imaksudken Paulus alu ngataken sada ngenca sura – surana eme gelah itandaina kristus, nggejapken kuasa kekeken Kristus dingen nggit ikut ngenanami kiniseran si inanami Kristus. Tuhu memang kai si ikataken Paulus ijenda, sebab perubahen labo banci jadi adi sekalak lenga nandai diri alu payo ilebe – lebe Yesus (ay. 10).

• bageme Paulus nuriken dirina ras perubahen si jadi ibas dirina kenca ia tuhu – tuhu menyerahken dirina guna Kristus. Puji Tuhan kita pe genduari anak – anak Tuhan kap dingen ngaku kita maka kita ersada ras ia ibas kerina kegeluhenta ras tambah tole kemalemen ateta sebab seh asa genduari kita pe banci  denga menikmati kegeluhen si ibereken Dibata man banta. Emaka ibas kegeluhen si lit enda, maka ije Dibata mereken kesempaten man dirinta guna mentransformasi diri gelah nggeluh lebih mehuli asangken si enggona. Labo menukah memang adi sekalak ersura – sura mentransformasi diri, sebab pasti erbage – bage me tantangen si man hadapen subuk e ibas dirinta nari bagepe tantangen kesenangen si itawarken doni, tapi amin bage gia maka labo tertutup kemungkinenna maka perubahen e banci jadi ibas dirinta alu sempurna bagi perubahen ibas kegeluhen Paulus.

• Tuhan Dibata nepa dirinta sebage mahluk si rukur, erkiteken sie maka lit nge kebeluhenta guna rukur payo ntah lang kegeluhen si enggo si dalani kidekah enda terlebih – lebih ibas persadanta ras Yesus. Dingen tentu saja ibas perukuren si payo ibas pengajaren Kesah Si Badia tentu kita banci mengubah cara kegeluhenta ku silebih ngena tae Tuhanta (bd. Roma 12 : 2).

• Tema PJJ-nta “Penandaiku Nandangi Kristus Mpelimbarui Geluhku” enda ngatakenca kita enggo nandai Kristus dingen enggo nggeluh ibas kegeluhen simbaru, tapi amin bage gia mekatep denga lenga kel bagi siarapken Tuhan perubahen e jadi ibas dirinta. Emaka Sue ras temata ibas PJJ – ta sekali enda mari kita berubah ku si arah lebih mehuli (“metamorfosis – transformasi”) ras sipetugilah komitmenta ras Tuhan maka kita enda tetap setia man baNa alu nggeluh ibas kataNa tep – tep wari dingen perubahen e la banci lang arus jadi ibas kegeluhenta. Selamat berubah ras selamat mplimbarui kegeluhen ibas Tuhan, la perlu mbiar gia melala tantangenna tapi lakokenlah e genduari nari ras selamat beradaptasi nandangi perubahen.

          Pekanbaru 05 Feb 2016.  Pdt. Israel H S Milala.

Suplemen PJJ GBKP 31 Jan – 06 feb 2016. “Ijenda Aku Suruhlah Aku” Jes 6 : 1 – 8

“I Jenda Aku Suruhlah Aku”
Jes 6 : 1 – 8

Pokok Pikiren :

• Bahan PJJ-nta sekali enda banci jadi enggo semal i orati ibas gerejanta. Bagepe sieteh maka Jes 6 : 8 i pake ibas logo GBKP guna menjelasken maka gerejanta GBKP erpengue nandangi pendilo Tuhan ibas ndalanken tugas panggilenna ibas kerina tantangen si lit.

• Piga – piga hal si banci si idah arah pendilo Jesaya rikutken bahan oraten PJJ – nta senda enda eme :

1. Pendilo si isehken man Jesaya eme sada pengergan Dibata man manusia, ija Dibata make manusia jadi partnerna guna ikut campur tangan mereken kontribusina ntah berkarya guna mpekena kegeluhen manusia. Ibas pengertin sienda me teolog si tergelar Karl Barth ngataken : “Allah itu mampu melakukan banyak hal, tetapi Ia tidak selalu mau mewujudkannya. Sementara manusia selalu mau melakukan banyak hal tetapi ia tidak mampu melakukannya”
2. Pendilo si isehken Tuhan man Jesaya ertujun gelah Jesaya mabai bangsa Israel nggeluh mulihi ibas dalan Tuhan alu meritaken berita pertobaten erkiteken kejahaten bangsa e.
3. Patut ka pe ibereken jempol man Jesaya erkiteken keberanianna ngaloken pendilo e selaku nabi itengah – tengah kegeluhen bangsa si lanai erngena ate Tuhan. Sebage cataten : Kenca ra ja Uzia igantiken raja Zakaria maka kegeluhen bangsa Isarel memang tuhu – tuhu bobrok kel subuk e ibas segi pemerintahen bagepe ibas bidang agama. Raja zakaria si menggantiken raja Uzia mate ibas thn 740 SM. (2 Raja-raja 15 : 3). Ibas paksa sie raja Zakaria i turiken mate erkiteken ukumen si isehken man bana alu mereken penakit kusta. Sebab ibas kegeluhen beragama raja Zakaria tuhu lanai ngergaken Tuhan janah pang mengambil alih tugas iman i rumah pertoton alu bengket kubas ruang si badia ras ngelakoken persembahen tutungen man Dibata si la banci ia ngelakokenca (Bd. 2 Kronika 26 : 1 – 23).
4. Pendilo e pe iawali alu perjumpan secara khusus antara Jesaya ras Dibata. Ija Dibata ncidahken diriNa man Jesaya. Janah perjumpan e sendiri menghasilken keriahen man Jesaya erkiteken dosana ialemi Dibata kenca pengakunna maka ia sendiri pe kalak si perdosa si nggeluh i tengah – tengah bangsa si erdosa. Kenca pengakunna e me maka Dibata nuruh malekat Serafim engkuitken biber Jesaya alu bara api si ibuatna ibas batar – batar persembahen nari sebage simbol pengalemi dosa Jesaya. Pengalemi dosa e sendiri isehken Dibata erkiteken Jesaya memang enggo i persiapken Dibata ras terpilih guna meritaken berita pertobaten man bangsa Israel si meriah ukur nggeluh ibas erdosa.
5. Pendilo e labo bersifat perintah tapi sada pendilo (ajakan) “Ise ndia Ku suruh”. Ertina Jesaya bebas memilih pendilo (ajakan) Dibata e antara “ue” ras “lang” ras tentu saja bicara Jesaya la nggit ngaloken pendilo e, maka Dibata pe tentu milih kalak si deban si nggit ndahiken – dahinNa. Tapi Jesaya muat sada keputusen sitepat ibas pendilo Tuhan nina “aku suruhlah aku”.
6. Cataten pe man banta, maka tupung Jesaya ngidah kemulian Dibata, nina Jesaya “cilaka aku, lanai lit arapen man bangku, sebab alu matangku enggo kuidah raja, Tuhan simada kuasa, adi tep – tep ranan si mentas arah biberku dosa kerina, janah aku pe ringan itengah – tengah bangsa ija tep – tep kata si ibelaskenna dem alu dosa” (ay. 5). Pengakun Jesaya enda penting si perdiateken sebab Jesaya la nuriken kerina bagin tubuh si lit, tapi ia ngataken “biber” (“najis bibir”) sebage sada bagin si mekelek kel ibas dosa kalak Israel. Kata enda pe tentu ningetken sada pengertin si mbages ras perlu si ukuri alu mbages ibas jamanta si genduari, sebab enterem memang kalak genduari hanya beluh “erbasa – basi” ibas kegeluhenna sebage kalak kristen ntah sebage warga gereja, bandingken kubas pengertin oraten PJJ-nta ibas ibas minggu si enggo lewat 24 – 31 Jan 2016, alu tema “Cidahken Kinitekenndu Arah Perbahanendu”.(https://israelhsmilala.wordpress.com/…/suplemen-pjj-24-30-…/).

• “Aku Suruhlah Aku” nina Jesaya ngaloi pendilo Tuhan, tentu bageme pe kita idilo guna ndahiken dahin pelayanen gerejanta. Enterem senina – turangta si enggo muat bagin ibas dahin pelayanen gerejanta sebage bukti ia kalak si ipilih Tuhan ras enggo nggejapken uga belinna pasu – pasu Tuhan ibas kegeluhenna. Emaka mari sekalak – sekalak kita, sibuatkalah baginta ibas dahin pelayanen e, subuk ibas sebage serayan Tuhan Pdt/Pt/Dk, ke – Pengurus Kategorial ntah pe Ke-Panitian, rsd.

• Sidahiken dahin e alu mehui amin gia mbue tantangenna. Mbelin kel memang tanggungjawab kalak sierdahin ibas Tuhan, si menguras energi, tenaga, pikiren ras materi, waktu guna keluargata, gia bage tetaplah sidahiken – dahin e sebage komitmenta ras Tuhan. Dage nintalah ngaloi pendilo Tuhan e sue ras tema PJJ-nta sekali enda “Ijenda Aku Suruhlah Aku”.

Pekanbaru 29 Feb 2016.
Pdt. Israel HS Milala.